ព័ត៌មានអន្ដរជាតិ
ធ្ងន់ធ្ងរពេក ទីក្រុងហូជីមិញ យកតាក់ស៊ីធ្វើជារថយន្តសង្គ្រោះបន្ទាន់ ស្របពេលកូវីដកំពុងរាលដាលខ្លាំង
តាក់ស៊ីចំនួន ១៥ គ្រឿងរបស់ក្រុមហ៊ុន Mai Linh Group ត្រូវបានប្តូរទៅជារថយន្តសង្គ្រោះនៅក្នុងទីក្រុងហូជីមិញ ខណៈទីក្រុងនេះនៅតែតស៊ូប្រយុទ្ធជាមួយការរីករាលដាលនៃជំងឺកូវីដ ១៩ ។
នេះគឺជាផ្នែកមួយនៃគំនិតផ្តួចផ្តើមរួមគ្នារវាងក្រុមហ៊ុន Mai Linh Group ជាមួយមន្ទីរសុខាភិបាល និងដឹកជញ្ជូនទីក្រុងហូជីមិញ ដើម្បីត្រៀមខ្លួនសម្រាប់ករណីសង្គ្រោះបន្ទាន់ ក្នុងអំឡុងពេលដែលការដឹកជញ្ជូនសាធារណៈ តាក់ស៊ី និងសេវាកម្មរថយន្តផ្សេងទៀត ត្រូវបានបញ្ឈប់ដើម្បីកាត់បន្ថយហានិភ័យនៃការឆ្លង ។
ទន្ទឹមនោះ ទីក្រុងគ្រោងនឹងប្រែរថយន្តតាក់ស៊ី ២០០ គ្រឿងទៀត ទៅជារថយន្តសង្គ្រោះបន្ទាន់ដោយបម្រើការពេញ ២៤ ម៉ោងក្នុងមួយថ្ងៃ ហើយរហូតមកដល់ពេលនេះ បានបញ្ចប់ការកែប្រែចំនួន ៥៥ គ្រឿងហើយ ចាប់តាំងពីការផ្តួចផ្តើមនេះបានចាប់ផ្តើមនៅថ្ងៃទី ២៨ ខែកក្កដា ។
រថយន្តតាក់ស៊ីទាំងអស់នៅក្នុងកងសង្គ្រោះបន្ទាន់ នឹងត្រូវបានបំពាក់ដោយឧបករណ៍វេជ្ជសាស្ត្រស្តង់ដារ រួមទាំង ធុងអុកស៊ីសែន ឧបករណ៍ដកដង្ហើម ឧបករណ៍វាស់ជីពចរ ឧបករណ៍តេស្តរហ័សរកជំងឺកូវីដ ១៩ និងសម្លៀកបំពាក់ការពារមេរោគ (PPE) ជាដើម ខណៈគ្រូពេទ្យជំនាញក៏នឹងអមដំណើរក្នុងតាក់ស៊ីនោះផងដែរ ។
យោងតាមលោក Ho Huy ប្រធានក្រុមហ៊ុន Mai Linh Group បានឲ្យដឹងថា រថយន្តតាក់ស៊ីសង្គ្រោះបន្ទាន់ ដែលរៀបចំឡើងតាមការណែនាំរបស់មន្ទីរសុខាភិបាលក្រុង នឹងត្រូវបានបំពាក់ដោយរបាំងថ្លា ដើម្បីការពារការរីករាលដាលភាគល្អិតនៃមេរោគនៅក្នុងរថយន្ត ។ ពួកគេនឹងមានស្លាកសង្រ្គោះបន្ទាន់នៅខាងមុខ និងខាងក្រោយរថយន្ត ដើម្បីងាយស្រួលកំណត់អត្តសញ្ញាណ ។
លោក Ho បាននិយាយថា អ្នកបើកបរដែលចូលរួមក្នុងការសង្គ្រោះបន្ទាន់នេះ នឹងត្រូវបានណែនាំឲ្យប្រកាន់ខ្ជាប់នូវគោលការណ៍សុវត្ថិភាព ពាក់ឧបករណ៍ការពារ និងចូលរួមវគ្គបណ្តុះបណ្តាលផ្នែកវេជ្ជសាស្ត្រជាដើម ។ ដើម្បីបើកបររថយន្តតាក់ស៊ី ពួកគេត្រូវទទួលការចាក់វ៉ាក់សាំងការពារជំងឺកូវីដ ១៩ យ៉ាងហោចណាស់មួយដូស និងមានបទពិសោធន៍បើកបរ ក្នុងអំឡុងពេលមានគម្លាតសង្គមក្នុងទីក្រុងហូជីមិញ កាលពីពេលកន្លងមក ។
ទីក្រុងហូជីមិញបានលេចចេញជាកន្លែងផ្ទុះមេរោគដ៏ធ្ងន់ធ្ងររបស់វៀតណាម ដោយកត់ត្រាករណីឆ្លងចំនួន ១០៨,៣៧៩ ករណីក្នុងចំណោមការឆ្លងក្នុងសហគមន៍សរុបចំនួន ១៧៧,៨៥៥ ករណី ចាប់តាំងពីរលកទី ៤ បានចាប់ផ្តើមនៅថ្ងៃទី ២៧ ខែមេសា ។
ស្ថានភាពនេះបានជំរុញឲ្យអាជ្ញាធរដាក់ទីក្រុងនេះក្រោមច្បាប់គម្លាតសង្គមតឹងរ៉ឹង ដែលហាមឃាត់ការជួបជុំជាសាធារណៈលើសពី ២ នាក់ ហាមឃាត់អាជីវកម្ម និងសេវាកម្មដែលមិនចាំបាច់ ហើយតម្រូវឲ្យប្រជាជនស្នាក់នៅផ្ទះ ។
គួរបញ្ជាក់ថា ប្រទេសវៀតណាមបានរាយការណ៍កាលពីថ្ងៃព្រហស្បតិ៍ ពីករណីឆ្លងថ្មីចំនួន ៣,៩៤៣ ករណី ដែលធ្វើឲ្យចំនួនអ្នកឆ្លងសរុបនៅទូទាំងប្រទេសកើនឡើងដល់ ១៨១,៧៥៦ ករណី ៕
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
ចុចអាន ៖ ហូជីមិញ ដាក់បម្រាមគោចរចាប់ពីម៉ោង ៦ ល្ងាចដល់ម៉ោង ៦ ព្រឹក
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)