ព័ត៌មានអន្ដរជាតិ
វៀតណាម បន្ថែមការរឹតត្បិត ទីក្រុងហាណូយ ស្របពេលផ្ទុះឆ្លងកូវីដជាចង្កោមថ្មី
ទីភ្នាក់ងារសារព័ត៌មានវៀតណាម (VNA) បានរាយការណ៍នៅថ្ងៃសុក្រនេះថា ទីក្រុងហាណូយរបស់វៀតណាម នឹងពង្រីកការរឹតត្បិតរហូតដល់ថ្ងៃទី ២២ ខែសីហា បន្ទាប់ពីអាជ្ញាធរបានព្រមានការផ្ទុះឆ្លងកូវីដជាចង្កោមថ្មី នៅក្នុងទីក្រុមដែលមានប្រជាជនជាង ៨ លាននាក់មួយនេះ ។
ទីក្រុងហាណូយ ក្នុងរយៈពេល ២ សប្តាហ៍ចុងក្រោយនេះបានបញ្ជាឲ្យប្រជាជនស្នាក់នៅផ្ទះ និងបញ្ឈប់រាល់សកម្មភាពមិនចាំបាច់ ប៉ុន្តែការកើនឡើងចំនួនឆ្លងរហូតដល់ទៅ ៣ ដង បានជំរុញឲ្យទីក្រុងនេះ ពង្រីកការទប់ស្កាត់បន្ថែម ខណៈការរឹតត្បិតលើកដំបូងនឹងត្រូវបញ្ចប់នៅថ្ងៃសៅរ៍នេះ ។
ទិន្នន័យផ្លូវការបានបង្ហាញថា ទីក្រុងនេះបានរាយការណ៍ករណីឆ្លងថ្មីចំនួន ២១ ករណីនៅថ្ងៃសុក្រនេះ ហើយបានកត់ត្រាករណីឆ្លងសរុបជិត ១,៦០០ ករណី ចាប់តាំងពីចុងខែមេសា ។
បើទោះជាករណីឆ្លងនៅតែមានកម្រិតទាបក៏ដោយ ក៏អាជ្ញាធរត្រូវនៅតែមានការប្រុងប្រយ័ត្ន បន្ទាប់ពីវីរុសបំប្លែងខ្លួនឥណ្ឌា “Delta” កំពុងជួយជំរុញករណីឆ្លងនៅទូទាំងប្រទេស ដោយរហូតមកដល់ពេលនេះបានកើនឡើងដល់ ១៨៩,០០០ ករណី ។
ទន្ទឹមនោះ នៅទូទាំងប្រទេសប្រហែលមួយភាគបីនៃទីក្រុង និងខេត្តចំនួន ៦៣ របស់ប្រទេសវៀតណាម ស្ថិតនៅក្រោមការទប់ស្កាត់មេរោគឆ្លងដ៏តឹងរ៉ឹង ខណៈដែលប្រទេសនេះកំពុងតស៊ូប្រយុទ្ធដើម្បីទប់ស្កាត់ការផ្ទុះឡើងវិញដ៏អាក្រក់បំផុតនេះ ។
ចំណែកយុទ្ធនាការចាក់វ៉ាក់សាំងរបស់ទីក្រុងហាណូយវិញ នៅតែស្ថិតក្នុងដំណាក់កាលដំបូងនៅឡើយ ។ រហូតមកដល់ពេលនេះទីក្រុងហាណូយ បានប្រើប្រាស់វ៉ាក់សាំងកូវីដចំនួន ១.១ លានដូស ហើយមានមនុស្សតែ ៧៤,០០០ នាក់ប៉ុណ្ណោះ បានទទួលការចាក់ពេញ ២ ដូស ។
ស្របពេលជាមួយគ្នានេះ យោងតាមទិន្នន័យផ្លូវការបានឲ្យដឹងថា មានមនុស្សត្រឹមតែ ៧៨ ម៉ឺននាក់ប៉ុណ្ណោះក្នុងប្រទេសវៀតណាម ទទួលបានការចាក់វ៉ាក់សាំងពេញ ២ ដូស ហើយវាជាចំនួនតិចជាង ១ ភាគរយនៃប្រជាជន ៩៨ លាននាក់របស់ប្រទេសនេះ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង