ព័ត៌មានអន្ដរជាតិ

អ៉ីស្រាអែលរកឃើញវ៉ាក់សាំង Pfizer ដូសទី៣មានផលរំខានប្រហែលនឹងដូសទី២

បានផុស

៥ years មុន

នៅ

ថ្ងៃចន្ទ ៩ សីហា ២០២១

ដោយ

ប្រទេសអ៉ីស្រាអែលបានធ្វើការស្រាវជ្រាវរកឃើញផលរំខាននៃការវ៉ាក់សាំងបង្ការកូវីដ-១៩ Pfizer ដូសទី៣ប្រហាក់ប្រហែលនឹងការចាក់ដូសទី២ដែរ។

អ៉ីស្រាអែលបានចាប់ផ្តើមការចាក់ដូសទី៣ប្រហែលជា១០ថ្ងៃកន្លងទៅហើយដល់ប្រជាជនដែលមានអាយុ៦០ឆ្នាំដើម្បីប្រឹងប្រែងទប់ស្កាត់វីរុសបំប្លែងខ្លួនកាចសាហាវ Delta ដែលកំពុងរាតត្បាតមួយរយៈពេលចុងក្រោយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រការនេះបានផ្តល់ឲ្យអ៉ីស្រាអែលធ្វើតេស្តរកឃើញផលប៉ះពាល់សម្រាប់វ៉ាក់សាំងដូសទី៣មុនពេលរដ្ឋបាលចំណីអាហារ និងឱសថអាមេរិកអនុម័តជាផ្លូវការ។

ស្ថាប័នថែទាំសុខភាពធំបំផុតរបស់ប្រទេសអ៉ីស្រាអែល Clalit បាននិយាយនៅថ្ងៃអាទិត្យ ទី៨ ខែសីហាថា ខ្លួនបានចាក់វ៉ាក់សាំង Pfizer-BioNTech ដូសទី៣ដល់មនុស្សជាង ២៤០ ០០០នាក់។

មនុស្សប្រហែលជា ៤៥០០នាក់ដែលទទួលបានការចាក់ដូសបន្ថែមកាលពីថ្ងៃទី៣០ ខែកក្កដាដល់ថ្ងៃទី១ ខែសីហា បានឆ្លើយតបចំពោះសំនួរដែលរាប់បញ្ចូលក្នុងការសិក្សាស្រាវជ្រាវនេះ។

អ្នកដែលបានឆ្លើយតប៨៨%នៅក្នុងការស្រាវជ្រាវបាននិយាយថា ប៉ុន្មានថ្ងៃបន្ទាប់ពីចាក់ដូសទី៣ ពួកគេមានអាការប្រហាក់ប្រហែល ឬល្អជាងកាលពីចាក់ដូសទី២។

ចំនួន៣១%ត្រូវបានរាយការណ៍ពីផលរំខានខ្លះៗ ដែលភាគច្រើនមានអាការៈឈឺចាប់តិចតូចនៅកន្លែងចាក់។ ប្រហែលជា០.៤%បាននិយាយងថា ពួកគេពិបាកដកដង្ហើម និង១%បាននិយាយថា ពួកគេបានស្វែងរកការព្យាបាលជុំវិញផលរំខានមួយឬច្រើនជាង។

លោក Ran Balicer ប្រធានផ្នែកនាវនុវត្តរបស់ Clalit បាននិយាយថា ទោះជាលទ្ធផលនៃផលរំខានដំបូង និងត្រូវបានរាយការណ៍ដោយខ្លួនឯង ក៏ពួកគេអនុញ្ញាតឲ្យប្រៀបធៀបផលរំខានជាមួយដូសទី២ និង«វាបង្ហាញថា ករណីភាគច្រើន ពួកគេមានផលរំខានប្រហាក់ប្រហែល ឬតិចជាងដូសទី២នៅក្នុងដូសទី៣»។

លោក Balicer និយាយថា ៖«ទោះជាយើងមិនទាន់ធ្វើការស្រាវជ្រាវយូរអង្វែងស្តីពីប្រសិទ្ធភាព និងសុវត្ថិភាពនៃការចាក់ដូសទី៣ សម្រាប់ការគ្រប់គ្រងហានិភ័យផ្ទាល់ខ្លួននៃមនុស្សដែលមានអាយុ៦០ឆ្នាំឡើង។ ការរកឃើញទាំងនោះបន្តចង្អុលបង្ហាញពីអត្ថប្រយោជន៍នៃការចាក់ថ្នាំបង្ការឥឡូវនេះ រួមជាមួយនឹងឥរិយាបថប្រុងប្រយ័ត្នក្នុងចំណោមមនុស្សធំ និងជៀសវាងការជួបជុំនៅកន្លែងចង្អៀត»៕

ប្រែសម្រួល៖ វីរបុត្រ
ប្រភព៖ Reuters

Related Topics:កូវីដ-១៩