ចលាចលពេញព្រលានយន្តហោះអាហ្វហ្គានីស្ថាន ពេលប្រជាជនរាប់ពាន់នាក់ សម្រុកចាកចេញ ខ្លះរត់ជាន់គ្នា

ប្រជាជនអាហ្វហ្គានីស្ថាន ដែលអស់សង្ឃឹមរាប់ពាន់នាក់ កំពុងប្រមូលផ្តុំគ្នានៅអាកាសយានដ្ឋានក្រុងកាប៊ុល ក្នុងភាពច្របូកច្របល់ បន្ទាប់ពីរដ្ឋធានីអាហ្វហ្គានីស្ថាន បានធ្លាក់ទៅលើដៃក្រុមតាលីបង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងទ័ពអាមេរិកកំពុងយាមកាមនៅអាកាសយានដ្ឋាន ប៉ុន្តែជើងហោះហើរមិនមែនយោធាទាំងអស់ ត្រូវបានបញ្ឈប់ បន្ទាប់ពីមានការផ្ទុះអាវុធនៅក្បែរនោះ ខណៈបុគ្គលិកអាមេរិក កាន់កាប់ការត្រួតពិនិត្យចរាចរណ៍ផ្លូវអាកាស។

វីដេអូពីទីក្រុងកាប៊ុល បានបង្ហាញពីមនុស្សភ័យស្លន់ស្លោ រត់ជាន់គ្នាទៅកាន់ខ្លោងទ្វារអាកាសយានដ្ឋាន ខណៈអ្នកដំណើរខ្លះ ត្រូវបង្ខំចិត្តចុះពីជើងហោះហើរពាណិជ្ជកម្មវិញ នៅពេលការចេញដំណើរត្រូវបានផ្អាក។

ល្បឿននៃការវាយលុករបស់ក្រុមតាលីបង់ បានធ្វើឲ្យមនុស្សស្ទើរតែគ្រប់គ្នាមានការភ្ញាក់ផ្អើលយ៉ាងខ្លាំង ហើយជនជាតិអាហ្វហ្គានីស្ថានដែលបានកក់ជើងហោះហើរពាណិជ្ជកម្ម ដើម្បីគេចផុតពីការប្រឈមមុខនឹងក្រុមតាលីបង់ ត្រូវបានបង្ខំឲ្យបន្តនៅប្រទេស អាហ្វហ្គានីស្ថាន។

ប្រទេសលោកខាងលិច នឹងជម្លៀសពលរដ្ឋរបស់ពួកគេតាមជើងហោះហើរយោធា ប៉ុន្តែក្រុមតាលីបង់បាននិយាយថា ខ្លួននឹងមិនអនុញ្ញាតឲ្យពលរដ្ឋអាហ្វហ្គានីស្ថានចាកចេញឡើយ៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ប្រធានាធិបតីអាហ្វហ្គានីស្ថាន ភៀសខ្លួនទៅក្រៅប្រទេស បន្សល់ទុកពាក្យប៉ុន្មានម៉ាត់ ប្រាប់ប្រជាជន