ព័ត៌មានអន្ដរជាតិ
WHO ៖ ករណីឆ្លងកូវីដថ្មីនៅលើពិភពលោកមិនថយចុះទេក្នុងរយៈពេល ២ ខែចុងក្រោយនេះ ខណៈវីរុស Delta កាន់តែអុកឡុក
អង្គការសុខភាពពិភពលោក (WHO) បាននិយាយនៅក្នុងរបាយការណ៍បូកសរុបប្រចាំសប្តាហ៍ ដែលបានចេញផ្សាយកាលពីថ្ងៃពុធថា ចំនួនករណីឆ្លងថ្មីនៃជំងឺកូវីដ ១៩ នៅលើពិភពលោកបាននិងកំពុងកើនឡើង ក្នុងរយៈពេលពីរខែចុងក្រោយនេះ ខណៈករណីឆ្លងវីរុសបំប្លែងខ្លួនឥណ្ឌា Delta ត្រូវបានរាយការណ៍នៅក្នុងប្រទេស និងដែនដីចំនួន ១៤៨ ។
ជាមួយនឹងករណីឆ្លងថ្មីចំនួនជាង ៤.៤ លានករណីដែលត្រូវបានរាយការណ៍កាលពីសប្តាហ៍មុន និន្នាការនេះភាគច្រើនគឺជាការកើនឡើងនៅក្នុងតំបន់ប៉ាស៊ីហ្វិកខាងលិច និងតំបន់អាមេរិក ដែលបានរាយការណ៍ពីការកើនឡើង ១៤ ភាគរយ និង ៨ ភាគរយរៀងៗខ្លួន បើប្រៀបធៀបទៅនឹងសប្តាហ៍មុន ។
យោងតាមរបាយការណ៍របស់ WHO បានឲ្យដឹងថា តំបន់ដែលមានអត្រាកើតមានករណីឆ្លងខ្ពស់បំផុតប្រចាំសប្តាហ៍ក្នុងចំណោមប្រជាជន ១០ ម៉ឺននាក់នៅតែដដែលដូចសប្តាហ៍មុន ពោលគឺតំបន់អាមេរិក និងតំបន់អឺរ៉ុបដោយមានករណីថ្មីចំនួន ១៤៧.៤ ករណី និង ១២១.៦ ករណីក្នុងចំណោមប្រជាជន ១០ ម៉ឺននាក់រៀងៗខ្លួន ។
នៅកម្រិតនេះ WHO បាននិយាយថា ចំនួនករណីឆ្លងថ្មីខ្ពស់បំផុតនៅក្នុងសប្តាហ៍ចុងក្រោយនេះ ត្រូវបានរាយការណ៍នៅសហរដ្ឋអាមេរិកដោយមានករណីឆ្លងថ្មីចំនួន ៨៨៣,៩៩៦ ករណី ឬកើនឡើង ៩ ភាគរយ បន្ទាប់មកគឺអ៊ីរ៉ង់រកឃើញករណីឆ្លងថ្មី ២៦៩,៩៧៥ ករណី កើនឡើង ៩ ភាគរយ និងឥណ្ឌា ២៥៨,១២១ ករណី ពោលថយចុះ ៧ ភាគរយ ។
ទន្ទឹមនឹងនេះ WHO ក៏បានកត់សម្គាល់ដែរថា ចំនួនអ្នកស្លាប់ថ្មីខ្ពស់បំផុតនៅក្នុងសប្តាហ៍ចុងក្រោយនេះ ត្រូវបានរាយការណ៍នៅប្រទេសឥណ្ឌូនេស៊ី ប្រេស៊ីល និងរុស្ស៊ី ។
គួរបញ្ជាក់ថា បច្ចុប្បន្នចំនួនសរុបនៃករណីឆ្លងជំងឺកូវីដ ១៩ ដែលត្រូវបានរាយការណ៍នៅទូទាំងពិភពលោក មានជាង ២០៦ លានករណី ខណៈចំនួនអ្នកស្លាប់សរុបមានជិត ៤.៤ លាននាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ WHO ប្រាប់ម្តងទៀត កុំទាន់ចាក់វ៉ាក់សាំងដូសទី៣ រង់ចាំការសិក្សាបន្ថែមសិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ