ព័ត៌មានអន្ដរជាតិ
ការវាយប្រហារដោយយន្តហោះដ្រូន អាមេរិក មិនមែនចំក្រុម ISIS-K ទេ បែរទៅប៉ះគ្រួសារស្លូតត្រង់ ស្លាប់ភាគច្រើនជាក្មេង
សាច់ញាតិនៃអ្នកស្លាប់ទាំងនោះបានប្រាប់ CNN ថា ចំនួនអ្នកស្លាប់ដោយសារការវាយប្រហារតាមអាកាសរបស់អាមេរិក ដែលបានកំណត់គោលដៅយានយន្តមួយគ្រឿងនៅរដ្ឋធានីកាប៊ុលរបស់អាហ្វហ្គានីស្ថានកាលពីថ្ងៃអាទិត្យ បានកើនឡើងដល់ ៩ នាក់ ហើយសមាជិកទាំងអស់នោះគឺជាគ្រួសារតែមួយ ។
បងប្រុសម្នាក់ក្នុងចំណោមក្រុមគ្រួសារដែលស្លាប់បានប្រាប់អ្នកកាសែត CNN កាលពីថ្ងៃអាទិត្យថា ពួកគេគឺជា “គ្រួសារធម្មតា” ដែលមិនមានទំនាក់ទំនងជាមួយក្រុម ISIS ឡើយ ។
បុរសនោះបាននិយាយថា ក្នុងចំណោមអ្នកដែលត្រូវបានសម្លាប់ មានក្មេង ៦ នាក់ ក្នុងនោះមានប្អូនស្រីរបស់គាត់អាយុ ៤ ឆ្នាំឈ្មោះ Armin ប្អូនប្រុសអាយុ ៣ ឆ្នាំឈ្មោះ Benyamin និងប្អូនស្រី ២ នាក់ទៀតអាយុ ២ ឆ្នាំឈ្មោះ Ayat និង Sumaya ។
កន្លងមក អ្នកនាំពាក្យបញ្ជាការកណ្តាលអាមេរិកលោក Bill Urban បាននិយាយថា ការវាយប្រហារដោយយន្តហោះគ្មានមនុស្សបើកត្រូវបានធ្វើឡើងកាលពីថ្ងៃអាទិត្យ នៅលើយានយន្តមួយគ្រឿងនៅទីក្រុងកាប៊ុលដើម្បីកម្ចាត់ក្រុម ISIS-K មុនទៅដល់ព្រលានយន្តហោះ ។
ប្រតិបត្តិការយន្តហោះគ្មានមនុស្សបើករបស់អាមេរិក សំដៅទៅលើក្រុមភេរវករនៅក្នុងប្រទេសអាហ្វហ្គានីស្ថាន ត្រូវបានគេចាត់ទុកថាមានភាពចម្រូងចម្រាសយ៉ាងខ្លាំង ដោយសារតែមានការរាយការណ៍ពីការស្លាប់របស់ជនស៊ីវិល រួមទាំងមនុស្សស្លូតត្រង់ និងកុមារជាដើម ។
កាលពីថ្ងៃសុក្រសេតវិមានបានសារភាពថា មានការបែកបាក់នៅក្នុងដំណើរការសន្តិសុខ ទើបមានការបំផ្ទុះគ្រាប់បែកអត្តឃាតនៅព្រលានយន្តហោះទីក្រុងកាប៊ុល ដែលត្រូវបានគេរាយការណ៍ថា បានសម្លាប់មនុស្សយ៉ាងតិច ១៨២ នាក់ក្នុងនោះមានទាហានអាមេរិក ១៣ នាក់ ។
ការវាយប្រហារនេះត្រូវបានអះអាងដោយក្រុម ISIS-K ហើយកើតឡើង ចំពេលមានភាពវឹកវរក្នុងការជម្លៀសប្រជាជនអាមេរិកចេញពីអាហ្វហ្គានីស្ថាន បន្ទាប់ពីក្រុមតាលីបង់បានកាន់កាប់ទីក្រុងកាប៊ុលកាលពីថ្ងៃទី ១៥ ខែសីហា ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោក ចូ បៃដិន ព្រមានថា ការវាយប្រហារមួយទៀតនៅ ព្រលានយន្តហោះក្រុង កាប៊ុល ជិតកើតឡើងហើយ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល