បាតុករ ថៃ ធ្វើសមយុទ្ធការពាររដ្ឋប្រហារ

សកម្មជនគាំទ្រលទ្ធិប្រជាធិបតេយ្យរាប់ពាន់នាក់បានបិទផ្លូវសំខាន់មួយក្នុងទីក្រុងបាងកកដើម្បីហាត់សមសម្រាប់យុទ្ធសាស្ត្រការពាររដ្ឋប្រហារនៅក្នុងការតវ៉ាប្រឆាំងរដ្ឋាភិបាលថៃ។

អស់រយៈពេលជាច្រើនខែមកហើយ ប្រទេសនេះបានជួបប្រទះបាតុកម្មដែលដឹកនាំដោយយុវជនទាមទារឲ្យមានរដ្ឋធម្មនុញ្ញថ្មី កំណែទម្រង់របបរាជានិយមនិងការលាលែងពីតំណែងរបស់លោកនាយករដ្ឋមន្ត្រី ប្រាយុទ្ធ ចាន់អូចា។

នៅសប្តាហ៍នេះ លោកប្រាយុទ្ធដែលបានឡើងកាន់អំណាចក្នុងរដ្ឋប្រហារឆ្នាំ២០១៤ បាននិយាយសម្រាលដល់ទស្សនវិស័យនៃការផ្តួលរំលំឬណែនាំច្បាប់អាជ្ញាសឹក។

ប៉េងប៉ោងរូប Santa Claus បានចូលរួមជាមួយរូបទាជ័រពណ៌លឿងដែលបានក្លាយជានិមិត្តរូបនៃចលនានេះនៅពេលបាតុករប្រមាណ៥,០០០នាក់បានប្រមូលផ្តុំគ្នាកាលពីយប់ថ្ងៃសុក្រនៅភាគខាងជើងរាជធានី។

មេដឹកនាំបាតុកម្មម្នាក់ឈ្មោះ Panupong Mike Rayong Jadnok បានប្រាប់ហ្វូងមនុស្សថា “រដ្ឋប្រហារលើកទី១៤នឹងមិនកើតឡើងទេពីព្រោះប្រជាជននឹងចេញមកតស៊ូ”។

អ្នកតវ៉ាខ្លះបានដុតរូបរបស់លោក ប្រាយុទ្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាផ្នែកមួយនៃអ្វីដែលពួកគេហៅថា “សមយុទ្ធការពាររដ្ឋប្រហារ”, ក្រុមអ្នកតវ៉ាបានទូលប្រដាប់ក្មេងលេងក្នុងអាងហែលទឹកដើម្បីតំណាងឲ្យយោធាដែលឆ្លងកាត់ប្រជាជនដើម្បីចាប់យកតំណែងជួរមុខនៃនយោបាយថៃ។

ក្រុមមួយផ្សេងទៀតបានដើរហែក្បួនកាន់រូបថតរបស់ក្រុមឧត្តមសេនីយ៍ដែលបានដឹកនាំរដ្ឋប្រហារកាលពីអតីតកាល មុនពេលដុតរូប។

ចលនានេះបានក្លាយជាមូលដ្ឋានថ្មីសម្រាប់សកម្មជននយោបាយរបស់ប្រទេសថៃដោយទាមទារឲ្យមានការផ្លាស់ប្តូររបបរាជានិយមដែលជាស្ថាប័នមួយធ្លាប់ត្រូវបានគោរព៕

ប្រែសម្រួលដោយ៖ Vann Vann

ប្រភព៖ Al Jazeera