អតីតប្រធានាធិបតីហុងឌូរ៉ាស ត្រូវឃាត់ខ្លួននៅព្រលានយន្តហោះ ដោយសារតែលុយច្រើនពេក

អតីតប្រធានាធិបតីហុងឌូរ៉ាសលោក Manuel Zelaya បាននិយាយកាលពីថ្ងៃសុក្រថា លោកត្រូវបានឃាត់ខ្លួនដោយអយុត្តិធម៌នៅអាកាសយានដ្ឋានក្នុងទីក្រុង Tegucigalpa ដោយសារតែប្រាក់ចំនួន ១៨,០០០ ដុល្លារអាមេរិកនៅក្នុងកាបូបរបស់គាត់ ។

លោក Zelaya បាននិយាយនៅលើបណ្តាញសង្គម Twitter ថា “ខ្ញុំត្រូវបានឃាត់ខ្លួនដោយអយុត្តិធម៌នៅអាកាសយានដ្ឋាន Toncontin នៅពេលខ្ញុំហៀបនឹងធ្វើដំណើរទៅប្រទេសម៉ិកស៊ិកសម្រាប់សិក្ខាសាលារបស់ក្រុមហ៊ុន PT ។

ប្រព័ន្ធផ្សព្វផ្សាយក្នុងស្រុកបានរាយការណ៍ថា អតីតប្រធានាធិបតីដែលបានបម្រើការពីឆ្នាំ ២០០៦ ដល់ឆ្នាំ ២០០៩ ត្រូវបានឃុំខ្លួន និងដោះលែងនៅ ៤ ម៉ោងក្រោយមក ។

គួរបញ្ជាក់ថា ដើម្បីគ្រប់គ្រងការជួញដូរ និងការលាងលុយកខ្វក់ ច្បាប់ប្រទេសហុងឌូរ៉ាសអនុញ្ញាតិឲ្យមានប្រាក់អតិបរមាចំនួន ១០,០០០ ដុល្លារប៉ុណ្ណោះសម្រាប់ការចេញពីប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA