អ្នកចាក់ Johnson & Johnson ហើយចាក់វ៉ាក់សាំងប្រភេទ mRNA ជាដូសទី ២ បង្កើតការឆ្លើយតបអង់ទីគ័រកាន់តែខ្លាំង

យោងតាមទិន្នន័យថ្មីបានឲ្យដឹងថា អ្នកដែលបានទទួលវ៉ាក់សាំងការពារជំងឺកូវីដ ១៩ របស់ក្រុមហ៊ុន Johnson & Johnson នឹងមានការឆ្លើយតបអង់ទីគ័រកាន់តែខ្លាំង ប្រសិនបើពួកគេទទួលការចាក់វ៉ាក់សាំងប្រើបច្ចេកវិទ្យាប្រភេទ mRNA ជាដូសទី ២ ។

វាកើតឡើង ស្របពេលដែលក្រុមហ៊ុនវ៉ាក់សាំង Johnson & Johnson បានស្នើសុំឲ្យរដ្ឋបាលចំណីអាហារ និងឱសថអាមេរិក (FDA) អនុម័តការចាក់វ៉ាក់សាំងវ៉ាក់សាំងតែមួយដូសរបស់ខ្លួន ជាដូសជំរុញ ។

ដោយដកស្រង់ប្រភពចេញពីវិទ្យាស្ថានសុខភាពជាតិអាមេរិក (NIH) ) សារព័ត៌មាន Axios បានរាយការណ៍ថា ទិន្នន័យបន្ថែមពីការចាក់វ៉ាក់សាំងប្រភេទ mRNA ជាដូសជំរុញ បន្ទាប់ពីចាក់វ៉ាក់សាំង Johnson & Johnson នឹងត្រូវបញ្ជូនទៅ FDA នៅថ្ងៃសុក្រខាងមុខនេះ ។

គួរបញ្ជាក់ថា វ៉ាក់សាំងប្រើបច្ចេកវិទ្យា mRNA មានដូចជា វ៉ាក់សាំង Pfizer-BioNTech និងវ៉ាក់សាំង Moderna របស់អាមេរិក ហើយវាតម្រូវឲ្យចាក់ ២ ដូស ៕

ប្រែសម្រួលដោយ ៖ ជីវ័ន្ត

ប្រភព ៖ English Newstrack

ចុចអាន ៖ ក្រុមហ៊ុន Merck កំពុងនាំយកថ្នាំព្យាបាលកូវីដ Molnupiravir ទៅប្រទេសជប៉ុន