ព័ត៌មានអន្ដរជាតិ

ចិនថា របាយការណ៍ប្រភពដើមកូវីដរបស់អាមេរិកគ្មានវិទ្យាសាស្ត្រ និងមិនគួរជឿជាក់

បានផុស

៥ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

របាយការណ៍ស៊ើបអង្កេតរបស់សហរដ្ឋអាមេរិកមិនចាត់ចំណាត់ថ្នាក់ដោយនិយាយថា វាអាចជឿទុកចិត្តដែលកូវីដ-១៩មានប្រភពដើមពីមន្ទីរពិសោធគឺគ្មានលក្ខណៈវិទ្យាសាស្ត្រ និងមិនអាចជឿជាក់បាន។ នេះជាការលើកឡើងរបស់លោក Wang Webin អ្នកនាំពាក្យក្រសួងការបរទេសចិនបាននិយាយក្នុងសេចក្តីថ្លែងការណ៍មួយកាលពីថ្ងៃអាទិត្យ។

ការធ្វើបច្ចុប្បន្នភាពនៃរបាយការណ៍ស៊ើបអង្កេតរបស់សហរដ្ឋអាមេរិកដែលបានចេញផ្សាយកាលពីថ្ងៃសៅរ៍បាននិយាយថា ប្រភពដើមធម្មជាតិ និងការលេចចេញពីមន្ទីរពិសោធគឺជាសម្មតិកម្មដើម្បីពន្យល់ពីរបៀបដែលវីរុស SARS-CoV-2 ដែលជាកូវីដ-១៩បានឆ្លងមនុស្សលើកដំបូង ប៉ុន្តែការពិតប្រហែលជាមិនអាចដឹងបានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការឆ្លើយតបកាលពីថ្ងៃសៅរ៍នៅលើវេបសាយរបស់ក្រសួងការបរទេសចិន លោក Wang បាននិយាយថា ៖«ការកុហកមួយពាន់ដងនៅតែជាការកហក» និងបន្ថែមថា សេវាកម្មស៊ើបអង្កេតអាមេរិកល្បីឈ្មោះខាងក្លែងបន្លំ និងបោកប្រាស់។

លោកនិយាយថា ៖«ការតាមដានប្រភពដើមកូវីដ-១៩គឺជាបញ្ហាស្មុគស្មាញ និងធ្ងន់ធ្ងរដែលគួរតែត្រូវបានស្រាវជ្រាវក្នុងកិច្ចសហប្រតិបត្តិការដោយអ្នកវិទ្យាសាស្ត្រជាសកល»។

ចិនបានច្រានចោលការចោទដែលថា វីរុសបានលេចចេញពីមន្ទីរពេទ្យនៅទីក្រុងអ៊ូហានដែលជាកន្លែងរកឃើញកូវីដ-១៩លើកដំបូងកាលពីចុងឆ្នាំ២០១៩។

លោក Wang ក៏បានអំពាវនាវជាថ្មីរបស់ប្រទេសចិនដល់សហរដ្ឋអាមេរិកឲ្យបើកចំហរមន្ទីរពិសោធរបស់ខ្លួននៅ Fort Detrick ដល់អ្នកជំនាញអន្តរជាតិ៕

ប្រែសម្រួល៖ វីរបុត្រ
ប្រភព៖ reuters

Related Topics:កូវីដ-១៩