ព័ត៌មានអន្ដរជាតិ

៩ឆ្នាំទៀត មេដឹកនាំពិភពលោកសន្យាបញ្ឈប់ការបំផ្លាញព្រៃឈើ

បានផុស

២ years មុន

នៅ

ថ្ងៃអង្គារ ២ វិច្ឆិកា ២០២១

ដោយ

ក្រុមមេដឹកនាំពិភពលោក COP26 នឹងចុះហត្ថលេខាលើកិច្ចព្រមព្រៀងធំលើកដំបូងក្នុងកិច្ចប្រជុំកំពូលស្តីពីអាកាសធាតុនៅថ្ងៃអង្គារ៍នេះនៅពេលពួកគាត់សន្យាបញ្ឈប់ការកាប់បំផ្លាញព្រៃឈើត្រឹមឆ្នាំ២០៣០។

ប្រទេសហត្ថលេខីនៅទីក្រុង Glasgow នឹងរាប់បញ្ចូលទាំងប្រេស៊ីលដែលមានព្រៃឈើ Amazon ដ៏ធំត្រូវបានកាប់បំផ្លាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបាត់បង់ព្រៃឈើបានរួមចំណែកធ្វើឲ្យមានការប្រែប្រួលអាកាសធាតុ ពីព្រោះវាបំផ្លាញព្រៃឈើដែលស្រួបយកឧស្ម័ន CO2។

ថវិកាបន្ថែមក៏ត្រូវការសន្យាដើម្បីការពារ និងស្តារព្រៃឈើឡើងវិញ។ ប្រទេសជាង១០០បាននិយាយថា ពួកគេនឹងចុះហត្ថលេខាលើកិច្ចសន្យាដែលគ្រប់ដណ្តប់លើព្រៃឈើទូទាំងពិភពលោកប្រហែលជា៨៥%។

រដ្ឋាភិបាលនៃប្រទេស២៨នឹងប្តេជ្ញាចិត្តលុបបំបាត់ការបំផ្លាញព្រៃឈើពីពាណិជ្ជកម្មម្ហូបអាហារជាសកល និងផលិតផលកសិកម្មផ្សេងៗដូចជាប្រេងដួង សណ្តែកសៀង និងកាកាវជាដើម។

ឧស្សាហកម្មទាំងនេះធ្វើឲ្យបាត់បង់ព្រៃឈើដោយសារយកទីកន្លែងសម្រាប់សត្វពាហនៈ និងដាំដំណាំ។

លោកនាយករដ្ឋមន្ត្រីអង់គ្លេស Boris Johnson ដែលរៀបចំធ្វើម្ចាស់ផ្ទះកិច្ចប្រជុំអាកាសធាតុសកលនឹងអំពាវនាវឲ្យមានកិច្ចព្រមព្រៀងជាប្រវត្តិសាស្ត្រដើម្បីការពារ និងស្តារព្រៃឈើឡើងវិញនៅលើផែនដី។

គោលសំខាន់ក្នុងកិច្ចប្រជុំអាកាសធាតុកំពូល COP26

ការប្រែប្រួលអាកាសធាតុជាកង្វល់ធំបំផុតរបស់ពិភពលោក។ រដ្ឋាភិបាលត្រូវសន្យារួមដៃគ្នាដើម្បីកាត់បន្ថយការឡើងកម្តៅជាសកល។
កិច្ចប្រជុំនៅទីក្រុង Glasgow ជាកន្លែងដែលការប្រែប្រួលអាចកើតឡើង។ លោកអ្នកត្រូវការតាមដានចំពោះការសន្យាដែលត្រូវបានធ្វើឡើងដោយប្រទេសដែលមានការបំពុលអាកាសធាតុធំបំផុតក្នុងពិភពលោក ដូចជា សហរដ្ឋអាមេរិក និងចិន ហើយប្រទេសក្រីក្រត្រូវគាំទ្រ។
ជីវិតមនុស្ស និងសត្វទាំងអស់នឹងផ្លាស់ប្តូរ។ ការសម្រេចចិត្តត្រូវបានធ្វើនៅទីនេះអាចជះឥទ្ធិពលលើការងារ របៀបធ្វើឲ្យផ្ទះក្តៅ អ្វីដែលមនុស្សបរិភោគ និងមធ្យោបាយធ្វើដំណើរ៕

ប្រែសម្រួល៖ វីរបុត្រ
ប្រភព៖ BBC

Related Topics:ព្រៃឈើ