ព័ត៌មានអន្ដរជាតិ
រដ្ឋាភិបាលថ្មីអាមេរិក គួរតែសម្រេចចិត្តឲ្យលឿនសម្រាប់កិច្ចការកូរ៉េខាងជើង កុំពន្យារពេលដូចអតីតកាល
រដ្ឋាភិបាលថ្មីរបស់អាមេរិក ដែលនឹងលេចរូបរាងឡើងនាពេលដ៏ខ្លីខាងមុខ ត្រូវតែសម្រេចចិត្តឲ្យលឿនបំផុតចំពោះគោលនយោបាយរបស់ខ្លួនលើកូរ៉េខាងជើង មិនអាចពន្យារពេលជាថ្មី ដូចកើតមានក្នុងរដ្ឋកាលប្រធានាធិបតី Barack Obama នោះឡើយ។ នេះជាការព្រមានពីសំណាក់ អតីតមន្ត្រីជាន់ខ្ពស់អាមេរិក និងធ្លាប់ជាទីប្រឹក្សាអនាគតប្រធានាធិបតីទើបជាប់ឆ្នោតអាមេរិក Joe Biden។
ថ្លែងទៅកាន់ភ្នាក់ងារសារព័ត៌មានរ៉យទ័រកាលពីថ្ងៃពុធ លោក Kurt Campbell អ្នកការទូតកំពូលរបស់អាមេរិកសម្រាប់កិច្ចការអាស៊ីខាងកើត នៃរដ្ឋបាលលោក Obama និងជាអតីតទីប្រឹក្សាលោក Joe Biden បាននិយាយថា រដ្ឋភិបាលលោកធ្លាប់បម្រើការ បានចំណាយពេលវេលាយូរដើម្បីសិក្សាពីចំណាត់ការចំពោះប្រទេសកូរ៉េខាងជើង។ ហេតុនេះ សម្រាប់រដ្ឋាភិបាលថ្មីរបស់លោក Biden ត្រូវតែសម្រេចចិត្តឲ្យបានលឿនសម្រាប់គោលនយោបាយចំពោះកូរ៉េខាងជើង ដោយការគោរពពួកគេទៀតផង។
មន្ត្រីការទួតជើងចាស់រូបនេះបន្តថា អំឡុងពេលដែលរដ្ឋបាលលោក Obama ពន្យារពេលដោះស្រាយជាមួយកូរ៉េខាងជើង បានធ្វើឲ្យកើតមាននូវការបង្កហេតុជារឿយៗពីសំណាក់រដ្ឋឯកោមួយនេះ។
លោក Campbell ក៏បានកោតសរសើរគោលនយោបាយចំពោះកូរ៉េខាងជើងពីសំណាក់រដ្ឋាភិបាលលោក ដូណាល់ ត្រាំ បើទោះជាជំនួបជាមួយ គីម ជុងអ៊ុន ដែលត្រូវចាត់ទុកជាជំនួបប្រវត្តិសាស្ត្ររវាងប្រទេសទាំងពីរ បើទោះជាមកទល់ពេលនេះ ជំនួបហាក់មិនបានផ្លែផ្កាជាដុំកំភួនក៏ពិតមែន។
“ពេលខ្ញុំនិយាយពីតំបន់ទាំងនេះ ខ្ញុំគិតថាយើងត្រូវធ្វើតាម ឬកោតសរសើរ ខ្ញុំគិតថា គោលនយោបាយការបរទេសដ៏ម៉ឹងម៉ាត់របស់អាមេរិក គឺសក្តិសមសម្រាប់អនុវត្តនៅអាស៊ីណាស់”។ លោក Campbell បន្ថែមថា អាមេរិក ត្រូវធ្វើការជិតស្និតជាមួយសម្ព័ន្ធមិត្តកូរ៉េខាងត្បូងរបស់ខ្លួន។
លោក Campbell ជឿថា សញ្ញាដំបូងសម្រាប់គោលនយោបាយកូរ៉េខាង គឺជាអ្វីដែលទាមទារធ្វើឲ្យបានមុនគេបង្អស់សម្រាប់រដ្ឋាភិបាលលោក Biden បន្ទាប់ពីឡើងកាន់អំណាច។
ការលើកឡើងរបស់អ្នកការទូតជើងចាស់អាមេរិករូបនេះ អាចស៊ីគ្នាទៅនឹងសម្តីរបស់លោក Joe Biden ដែលនិយាយអំឡុងពេលឃោសនាបោះឆ្នោតខែតុលាកន្លងទៅ ដោយថាលោកនឹងជួបជាមួយ លោក គីម ជុងអ៊ុន ក្នុងលក្ខខណ្ឌមួយបើ លោក គីម ព្រមបោះបង់កម្មវិធីនុយក្លេអ៊ែររបស់ខ្លួន និងព្រមធ្វើឲ្យឧបទ្វីបកូរ៉េក្លាយជាតំបន់គ្មានអាវុធនុយក្លេអ៊ែរមែននោះ៕
ប្រែសម្រួល៖ សុភា
ប្រភព៖ The Korea Times
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង