OPEC៖ បើលោក Biden ចង់បានប្រេងបន្ថែម បូមខ្លួនឯងទៅ (វីដេអូ)

អង្គការ OPEC និងដៃគូផលិតប្រេងរបស់ខ្លួន បានច្រានចោលការទាមទាររបស់ប្រធានាធិបតីអាមេរិកលោក Joe Biden ដែលឲ្យបង្កើនផលិតកម្ម ចំពេលមានការកើនឡើងនៃតម្លៃប្រេងឥន្ធនៈ ដោយលើកហេតុផលថា ប្រសិនបើសហរដ្ឋអាមេរិកជឿថាសេដ្ឋកិច្ចពិភពលោកត្រូវការថាមពលបន្ថែមទៀតនោះ ពួកគេមានសមត្ថភាពបង្កើនផលិតកម្មដោយខ្លួនឯងហើយ។

សម្ព័ន្ធភាព OPEC+ ដែលបង្កើតឡើងដោយសមាជិក OPEC ដឹកនាំដោយអារ៉ាប៊ីសាអូឌីត និងអ្នកផលិតកំពូលមិនមែនជាសមាជិក ដែលដឹកនាំដោយរុស្ស៊ី បានអនុម័តការបង្កើនផលិតកម្មចំនួន ៤០០,០០០ បារ៉ែលក្នុងមួយថ្ងៃសម្រាប់ខែធ្នូ។

រដ្ឋមន្ត្រីអង្គការ OPEC ជាច្រើន បានសម្តែងការព្រួយបារម្ភចំពោះឧបសគ្គថ្មីក្នុងការប្រយុទ្ធប្រឆាំងនឹងជំងឺរាតត្បាត និងល្បឿនយឺតយ៉ាវនៃការស្តារសេដ្ឋកិច្ចឡើងវិញ។

បណ្តាប្រទេសនានាបានអះអាងថា ដោយសារតម្រូវការមិនទាន់ខ្ពស់គ្រប់គ្រាន់ដើម្បីបញ្ជាក់អំពីការកើនឡើងនៃផលិតកម្ម វាមានហានិភ័យនៃការបង្ខូចទ្រង់ទ្រាយទីផ្សារ។ ជាសំណាងល្អសម្រាប់អ្នកប្រើប្រាស់ សមាជិក OPEC ក៏ធ្លាប់មានប្រវត្តិនៃការបោកប្រាស់ដែរ។

គួរបញ្ជាក់ថា ការរឹតបន្តឹងការផ្គត់ផ្គង់របស់ OPEC+ បានជំរុញឲ្យតម្លៃប្រេងឆៅម៉ាក Brent របស់ពិភពលោក ឡើងដល់កម្រិតខ្ពស់បំផុតមិនធ្លាប់មានរយៈពេលបីឆ្នាំគឺ ៨៦.៧០ដុល្លារក្នុងមួយបារ៉ែលកាលពីខែមុន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Forbes

ចុចអាន៖ OPEC+ និងអារ៉ាប៊ីសាអូឌីត នៅតែផ្តោតលើទិន្នផលប្រេង