ព័ត៌មានអន្ដរជាតិ
គីម ជុងអ៊ុន បង្ហាញខ្លួនជាសាធារណៈលើកដំបូង ក្រោយបាត់មុខជាងមួយខែ
ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃអង្គារនេះថា មេដឹកនាំកូរ៉េខាងជើងលោក គីម ជុងអ៊ុន បានទៅទស្សនកិច្ចទីក្រុងថ្មីមួយដែលត្រូវបានសាងសង់នៅជិតព្រំដែនជាមួយប្រទេសចិន និងជាភ្នំដ៏ពិសិដ្ឋនៅក្នុងការបង្ហាញខ្លួនជាសាធារណៈលើកដំបូងរបស់លោកក្នុងរយៈពេលជាងមួយខែ ។
ទីក្រុង Samjiyon ភាគខាងជើង កំពុងត្រូវបានផ្លាស់ប្តូរទៅជាមជ្ឈមណ្ឌលសេដ្ឋកិច្ចដ៏ធំមួយ ឬហៅថា “សង្គមសុខក្សេមក្សាន្ត” បំពាក់ទៅដោយផ្ទះល្វែងថ្មីៗ សណ្ឋាគារ រមណីយដ្ឋានជិះស្គី និងកន្លែងពាណិជ្ជកម្ម វប្បធម៌ និងវេជ្ជសាស្ត្រជាដើម ។
ទីក្រុងដែលកំពុងអភិវឌ្ឍមួយនេះគឺនៅជិតភ្នំ Paektu ជាភ្នំដ៏ពិសិដ្ឋដែលក្រុមគ្រួសាររបស់លោក គីម គោរពបូជា ហើយលោកបានទៅលេងជាច្រើនដង ចាប់តាំងពីឆ្នាំ ២០១៨ ខណៈទីភ្នាក់ងារសារព័ត៌មាន KCNA បានហៅវាថាជា “និមិត្តរូបនៃអរិយធម៌ទំនើប” ។
KCNA បាននិយាយថា ដំណើរចុងក្រោយរបស់លោក គីម ត្រូវបានរៀបចំឡើងដើម្បីត្រួតពិនិត្យដំណាក់កាលទី ៣ និងចុងក្រោយនៃការសាងសង់ ដែលនឹងត្រូវបញ្ចប់នៅចុងឆ្នាំនេះ បន្ទាប់ពីការពន្យារពេលដែលបណ្តាលមកពីការដាក់ទណ្ឌកម្មអន្តរជាតិ និងការរាតត្បាតនៃជំងឺកូវីដ ១៩ ។
ទន្ទឹមនោះ KCNA មិនបានផ្តល់កាលបរិច្ឆេទសម្រាប់ដំណើរទស្សនកិច្ចរបស់លោក គីម នោះទេ ប៉ុន្តែវាគឺជារបាយការណ៍ដំបូងនៃសកម្មភាពសាធារណៈរបស់មេដឹកនាំរូបនេះអស់រយៈពេល ៣៥ ថ្ងៃ ចាប់តាំងពីលោកបានថ្លែងសុន្ទរកថានៅឯពិព័រណ៍ការពារជាតិ ដែលជាការអវត្តមានយូរបំផុតរបស់គាត់ ចាប់តាំងពីឆ្នាំ ២០១៤ ។
ការបាត់ខ្លួនរបស់មេដឹកនាំវ័យក្មេងរូបនេះពីប្រព័ន្ធផ្សព្វផ្សាយរដ្ឋ ជារឿយៗបង្កឲ្យមានការរំពឹងទុកអំពីសុខភាព ឬកន្លែងលាក់ខ្លួនរបស់គាត់ ។
ពាក់ព័ន្ធនឹងបញ្ហានេះ ទីភ្នាក់ងារចារកម្មប្រទេសកូរ៉េខាងត្បូងបាននិយាយកាលពីខែមុនថា មេដឹកនាំកូរ៉េខាងជើងលោក គីម ជុងអ៊ុន បានស្រកទម្ងន់ប្រហែល ២០ គីឡូក្រាម ខណៈពីមុនលោកមានទម្ងន់ប្រហែល ១៤០ គីឡូក្រាម ហើយការស្រកទម្ងន់របស់លោកហាក់ដូចជាមិនមានបញ្ហាសុខភាពនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ NDTV
ចុចអាន ៖ ឃើញតែប្លែក តើដឹងថាលោក គីម ជុងអ៊ុន ស្រកទម្ងន់អស់ប៉ុន្មានគីឡូទេ?

-
ព័ត៌មានជាតិ៦ ថ្ងៃ ago
សពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
ព័ត៌មានជាតិ១ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម៦ ថ្ងៃ ago
នគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៤ ថ្ងៃ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៦ ថ្ងៃ ago
តុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ២ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ២ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៣ ថ្ងៃ ago
មន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី