ឆ្លងកូវីដកាន់តែខ្លាំង ព័រទុយហ្គាល់ ប្រកាសឲ្យធ្វើការពីផ្ទះដាច់ខាត

រដ្ឋាភិបាលព័រទុយហ្គាល់បានប្រកាសថា ការងារពីចម្ងាយនឹងក្លាយជាកាតព្វកិច្ច ចាប់ពីថ្ងៃទី២ដល់៩ខែមករា ដើម្បីប្រយុទ្ធប្រឆាំងនឹងការកើនឡើងនៃករណីឆ្លងកូវីដ បន្ទាប់ពីការឈប់សម្រាកបុណ្យណូអែល និងចូលឆ្នាំសកល។

រដ្ឋាភិបាលទីក្រុង លីសបោន ក៏បាននិយាយផងដែរថា ចាប់ពីខែធ្នូទៅ ការពាក់ម៉ាសនឹងក្លាយជាកាតព្វកិច្ច ប័ណ្ណចាក់វ៉ាក់សាំងនឹងត្រូវការចាំបាច់ដើម្បីចូលភោជនីយដ្ឋាន ហើយត្រូវធ្វើតេស្តអវិជ្ជមានបើចង់ចូលក្លិបរាត្រី និងបារ។

គួរបញ្ជាក់ថា កាលពីថ្ងៃពុធ ប្រទេសព័រទុយហ្គាល់ បានរាយការណ៍ការឆ្លងកូវីដចំនួន៣,៧៧៣ករណី ដែលជាតួលេខឆ្លងប្រចាំថ្ងៃខ្ពស់បំផុតក្នុងរយៈពេល៤ខែចុងក្រោយ៕

ប្រែសម្រួល៖ Vann Vann

ប្រភព៖ Bloomberg

ចុចអាន៖ វីរុសកូវីដបំប្លែងខ្លួនមហាគ្រោះថ្នាក់ឆ្លងតាមខ្យល់ ចូលដល់ហុងកុងហើយ