ថៃ នាំពលរដ្ឋរបស់ខ្លួន ពីប្រទេសអាហ្វ្រិកចំនួន៨ មកវិញ ចាប់ពីស្អែកទៅ

ស្របពេលអាជ្ញាធរថៃបានចេញបម្រាមធ្វើដំណើរ លើអ្នកមកពីប្រទេសអាហ្វ្រិកចំនួន៨ដែលរាយការណ៍អំពីវីរុសកូវីដ១៩បំប្លែងខ្លួនថ្មី Omicron នោះ, ក្រសួងការបរទេស កំពុងរៀបចំដើម្បីនាំយកពលរដ្ឋថៃនៅក្នុងប្រទេសដែលមានហានិភ័យខ្ពស់ត្រឡប់មកប្រទេសវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋដែលរស់នៅក្នុងប្រទេសបុតស្វាណា, អេស្វាទីនី, ឡេសូតូ, ម៉ាឡាវី, ម៉ូសំប៊ិក, ណាមីប៊ី, អាហ្វ្រិកខាងត្បូង និង ស៊ីមបាវ៉េ អាចដាក់ពាក្យសុំ ដើម្បីវិលត្រឡប់ចូលប្រទេសថៃវិញចាប់ពីថ្ងៃស្អែកទៅ។

អ្នកវិលត្រឡប់ត្រូវចុះឈ្មោះតាមអ៊ីនធើណិត ហើយត្រូវដាក់ឲ្យនៅដាច់ដោយឡែករយៈពេល ១៤ថ្ងៃ នៅពេលមកដល់។

បន្ទាប់ពីដាក់ចេញវិធានការរឹតបន្តឹងការធ្វើដំណើរថ្មី ដោយក្រសួងសុខភាពសាធារណៈកាលពីថ្ងៃសៅរ៍ ភ្ញៀវទេសចរមកពីប្រទេសអាហ្វ្រិកចំនួនប្រាំបី នឹងត្រូវបានហាមឃាត់មិនឲ្យចូលប្រទេសដើម្បីការពារការរីករាលដាលនៃវីរុសបំប្លែងខ្លួន Omicron។

ក្រសួងក៏បានបញ្ជាក់ផងដែរថា ខ្លួននឹងបញ្ជូនជើងហោះហើរ ET608 របស់ក្រុមហ៊ុនអាកាសចរណ៍អេត្យូពី ពីទីក្រុង អាឌីស អាបេដា ដោយចេញដំណើរនៅម៉ោង ១២៖១០នាទីរំលងអាធ្រាត្រ និងមកដល់ទីក្រុងបាងកកនៅម៉ោង ១:១០នាទីរសៀលថ្ងៃដដែល៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ក្តៅៗ ជប៉ុន រកឃើញករណីដំបូងនៃវីរុសកូវីដបំប្លែងថ្មី Omicron