ព័ត៌មានអន្ដរជាតិ
កូរ៉េខាងជើង ថ្កោលទោសកិច្ចព្រមព្រៀង AUKUS ថាជា ឧបករណ៍សង្គ្រាម នុយក្លេអ៊ែរ របស់ អាមេរិក
យោងតាមសារព័ត៌មាន Yonhap បានរាយការណ៍កាលពីថ្ងៃអង្គារថា កូរ៉េខាងជើងបានរិះគន់ភាពជាដៃគូសន្តិសុខត្រីភាគីថ្មី ដោយហៅវាថាជា “ឧបករណ៍នៃសង្គ្រាម” របស់សហរដ្ឋអាមេរិក ដែលបង្កការគំរាមកំហែងយ៉ាងធ្ងន់ធ្ងរដល់សន្តិភាពពិភពលោក ។
សេចក្តីថ្លែងការណ៍មួយដែលបានបង្ហោះនៅលើគេហទំព័ររបស់ក្រសួងការបរទេសកូរ៉េខាងជើងបានឲ្យដឹងថា កូរ៉េខាងជើងបាននិយាយថា កិច្ចព្រមព្រៀង AUKUS នាំយកពពកខ្មៅនៃសង្គ្រាមនុយក្លេអ៊ែរមកពិភពលោក ។
សេចក្តីថ្លែងការណ៍បាននិយាយថា “ក្តីបារម្ភកើតចេញពីការពិតដែលថាវេទិកាសន្តិសុខគ្រោងនឹងផ្ទេរទៅឲ្យប្រទេសអូស្ត្រាលីនូវបច្ចេកវិទ្យាក្នុងការសាងសង់នាវាមុជទឹកដើរដោយថាមពលនុយក្លេអ៊ែរពីសហរដ្ឋអាមេរិក ដែលជាប្រទេសមានសង្គ្រាម និងការឈ្លានពានដ៏ធំបំផុតរបស់ពិភពលោក” ។
វាមិនមែនជាលើកទីមួយទេ ដែលក្រុងព្យុងយ៉ាងបង្ហាញក្តីបារម្ភអំពីកិច្ចព្រមព្រៀង AUKUS ។ កាលពីដើមខែកញ្ញា អ្នកតំណាងម្នាក់របស់ក្រសួងការបរទេសកូរ៉េខាងជើងបានហៅវាថាជាជំហានដ៏គ្រោះថ្នាក់បំផុតដែលអាចនាំទៅដល់ការប្រកួតប្រជែងអាវុធនុយក្លេអ៊ែរ និងធ្វើឲ្យប៉ះពាល់ដល់តុល្យភាពយុទ្ធសាស្ត្រនៅក្នុងតំបន់អាស៊ីប៉ាស៊ីហ្វិក ។
យោងតាមមន្ត្រីនោះ សម្ព័ន្ធការពារជាតិថ្មីបានផ្តល់សញ្ញាថា កូរ៉េខាងជើងចាំបាច់ត្រូវបន្តពង្រឹងសមត្ថភាពការពាររបស់ខ្លួនក្នុងរយៈពេលវែង ដើម្បីត្រៀមខ្លួនសម្រាប់ការផ្លាស់ប្តូរយ៉ាងខ្លាំងនៅក្នុងសន្តិសុខពិភពលោក ។
ការប្រកាសពីសម្ព័ន្ធភាព AUKUS បានធ្វើឡើង ចំពេលដែលមានភាពតានតឹងបន្តរវាងអាមេរិក និងចិន ។ ក្រោយមកទៀតក៏ស្ថិតក្នុងចំណោមបណ្តាប្រទេសដែលបានរិះគន់កិច្ចព្រមព្រៀង AUKUS សម្រាប់ការបង្កើត “មូលដ្ឋានទ័ព” ដែលនឹងធ្វើឲ្យការប្រកួតប្រជែងអាវុធកាន់តែស៊ីជម្រៅ និងធ្វើឲ្យខូចដល់កិច្ចខិតខំប្រឹងប្រែងជាសាកល ដើម្បីប្រយុទ្ធប្រឆាំងនឹងការរីកសាយភាយនុយក្លេអ៊ែរ ។
រឿងអាស្រូវទូទាំងពិភពលោកនេះបានកើតឡើង បន្ទាប់ពីការបែកបាក់នៃកិច្ចព្រមព្រៀងនាវាមុជទឹកទ្រង់ទ្រាយធំរវាងបារាំង និងអូស្ត្រាលីកាលពីខែកញ្ញា ។ ទីក្រុងប៉ារីសបានសម្តែងការខឹងសម្បារចំពោះកិច្ចព្រមព្រៀងការពារជាតិថ្មីរបស់ទីក្រុងកង់បេរ៉ាជាមួយទីក្រុងវ៉ាស៊ីនតោន និងទីក្រុងឡុងដ៍ ដែលពាក់ព័ន្ធនឹងការសាងសង់នាវាមុជទឹកនុយក្លេអ៊ែរយ៉ាងហោចណាស់ ៨ គ្រឿង ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ កូរ៉េខាងជើង ប្រហារជីវិតនិស្សិតម្នាក់ ដោយសាររឿង “Squid Game” (មានវីដេអូ)
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)