Connect with us

ព័ត៌មានអន្ដរជាតិ

វីរុស​ Omicron​ មាន​ហានិភ័យ​ខ្ពស់​ណាស់​ តែ​ទិន្នន័យ​មាន​កំណត់

បានផុស

នៅ

អង្គការ​សុខភាព​ពិភព​លោក (WHO)​​ បាន​និយាយ​ថា វីរុស​បំប្លែង​ខ្លួន​ថ្មី​​ដែលដល់​ពេល​នេះ​រាល​ដាល​ឆ្លង​​ជាង​៦០​ប្រទេស​​​ទូទាំង​ពិភព​លោក​បង្ក​ហានិភ័យ​ជា​សកល​ខ្ពស់​ណាស់ដោយ​មាន​ភស្តុតាង​មួយ​ចំនួន​បញ្ជាក់​ពី​ការ​គេច​ផុត​ពី​ប្រសិទ្ធភាព​ការពារ​របស់​វ៉ាក់សាំង​ទៀត​ផង​ ប៉ុន្តែ​ទិន្នន័យពី​ការ​ធ្វើ​ពិសោធ​អំពី​ការ​ឈឺ​ធ្ងន់​ធ្ងរ​នៅ​មាន​កម្រិត។

អង្គការ​សុខភាព​ពិភព​លោក​បាន​និយាយ​ក្នុង​ការ​ធ្វើ​សន្និសីទ​កាសែត​បច្ចេកទេស​​​ថា ដល់​ពេល​នេះ​​មាន​ភាព​មិន​ប្រាកដ​ប្រជា​អំពី​វីរុស​បំប្លែង​ខ្លួន​ថ្មី​ Omicron នៅ​ឡើយ​​ពាក់​ព័ន្ធ​នឹង​ការ​ផ្លាស់​ប្តូរ​​ទម្រង់​របស់​វា​​ដែល​ប្រហែល​ជា​មាន​កម្រិត​ឆ្លង​ខ្ពស់​ជាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

WHO និយាយ​ដោយ​ផ្អែក​ទៅ​លើ​ការ​វាយ​តម្លៃ​បឋម​កាល​ពី​ថ្ងៃ​ទី​២៩ ខែ​វិច្ឆិកា​ថា ៖«ហានិភ័យ​​ទូទៅ​ពាក់​ព័ន្ធ​នឹង​វីរុស​ថ្មី Omicron ​នៅ​តែ​មាន​កម្រិត​ខ្ពស់​នៃ​​ហេតុ​ផល​មួយ​ចំនួន»។

លោក​នាយក​រដ្ឋ​មន្ត្រី​អង់គ្លេស Boris Johnson និយាយ​កាល​ពី​ថ្ងៃ​ចន្ទ ម្សិល​មិញ​ថា យ៉ាង​ហោច​ណាស់ មាន​អ្នក​ឆ្លង​ម្នាក់​បាន​បាត់​បង់​ជីវិត​ដោយ​សារ​វីរុស​បំប្លែង​ Omicron នៅ​ចក្រភព​អង់គ្លេស។

WHO បាន​និយាយ​ថា មាន​សញ្ញា​ពី​ដំបូង​ដែល​មនុស្ស​បាន​ចាក់​វ៉ាក់សាំង និង​ធ្លាប់​ឆ្លង​កូវីដ​នឹង​មិន​អាច​បង្កើត​អង់ទីគ័រ​ដើម្បី​ការពារ​មិន​ឲ្យ​ឆ្លង​វីរុស​ Omicron បាន​ទេ​​ដែល​​អាច​បណ្តាល​ឲ្យ​​មាន​អត្រា​ឆ្លង​ខ្ពស់ និង​ផល​វិបាក​ធ្ងន់​ធ្ងរ។

អង្គការ​សុខភាព​ពិភព​លោក​បាន​និយាយ​ថា ខ្លួន​មិន​ច្បាស់​ទេ​ថា​តើ​ Omicron ​អាច​ឆ្លង​​អាក្រក់​ជាង​វីរុស​ Delta ដែល​រាត​ត្បាត​ខ្លាំង​ជា​សកល​ឬ​យ៉ាង​ណា​នោះ​ទេ។

បញ្ជាក់​ពី​ការ​វាយ​តម្លៃ​​របស់ WHO អ្នក​ស្រាវ​ជ្រាវ​សាកល​វិទ្យាល័យ Oxford បាន​ចេញ​ផ្សាយ​ពី​ការ​វិភាគ​មន្ទីរ​ពិសោធ​មួយ​កាល​ពី​ថ្ងៃ​ម្សិល​មិញ​ថា ​អង់ទីគ័រ​មាន​ការ​ធ្លាក់​ចុះ​យ៉ាង​ខ្លាំង​ប្រឆាំង​នឹង​វីរុស Omicron សម្រាប់​មនុស្ស​ដែល​ចាក់​វ៉ាក់សាំង​ពីរ​ដូស។

នៅ​ខណៈ​ពេល​អង់​ទីគ័រ​ការពារ​ពី​វ៉ាក់សាំង​ AstraZeneca និង​ BioNTech/Pfizer ត្រូវ​បាន​ខូច​ខាត មាន​សេចក្តី​សង្ឃឹម​ថា កោសិកា T-cells ដែល​ជា​ជន្ទល់​ដ៏​សំខាន់​ទី​២​នៃ​ការ​ឆ្លើយ​តប​​​របស់​​​ប្រព័ន្ធភាពស៊ាំ​​អាច​ការពារ​កុំ​ឲ្យ​ឈឺ​ធ្ងន់​ពី​ការវាយ​ប្រហារ​កោសិកា​មនុស្ស​ដែល​ឆ្លង​មេ​រោគ​បាន​៕

ប្រែ​សម្រួល៖ វីរបុត្រ
ប្រភព៖ reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម