ព័ត៌មានអន្ដរជាតិ
Trump ចង់ចាក់វ៉ាក់សាំងកូវីដផ្សាយតាមទូរទស្សន៍ដែរតែថា មិនចាំបាច់ទេព្រោះគាត់ឈ្នះជំងឺនេះរួចទៅហើយ
មន្រ្តីសេតវិមានបាននិយាយកាលពីថ្ងៃចន្ទថា លោកប្រធានាធិបតី Donald Trump មានឆន្ទៈចាក់វ៉ាក់សាំងការពារជំងឺកូវីដ១៩តាមកញ្ចក់ទូរទស្សន៍ដែរប៉ុន្តែគាត់ប្រហែលជាមិនមែនជាបេក្ខជនល្អជាងគេទេពីព្រោះគាត់បានយកឈ្នះជំងឺនេះរួចទៅហើយ។
មន្ត្រីម្នាក់បានប្រាប់ក្រុមអ្នកយកព័ត៌មានថា “គាត់បានបង្ហាញនូវឆន្ទៈ។ ខ្ញុំគិតថា មានសំណួរបើកចំហថាតើគាត់នឹងក្លាយជាមនុស្សម្នាក់ក្នុងចំណោមអ្នកដែលចាក់វ៉ាក់សាំងតាមទូរទស្សន៍ដែរឬក៏អត់។ ហើយនោះគ្រាន់តែជាតម្រូវការដើម្បីបំពេញបំណងអ្នកដែលចង់បានប៉ុណ្ណោះ”។
លោកប្រធានាធិបតីនិងជំទាវទីមួយត្រូវបានធ្វើតេស្តវិជ្ជមានជំងឺកូវីដ១៩កាលពីដើមខែតុលាហើយលោក Trump ត្រូវបានគេបញ្ជូនទៅកាន់មន្ទីរពេទ្យ Walter Reed មួយរយៈខ្លីមុនពេលវិលត្រឡប់ទៅកាន់សេតវិមានវិញដើម្បីធ្វើយុទ្ធនាការឃោសនាបោះឆ្នោត។
អតីតប្រធានាធិបតីបីរូបគឺលោក Bill Clinton, George W. Bush និង Barack Obama បាននិយាយថា ពួកគេនឹងទទួលយកវ៉ាក់សាំងនេះហើយចាក់វាផ្សាយតាមទូរទស្សន៍ក្នុងគោលបំណង កសាងទំនុកចិត្តដល់សាធារណជន។
មន្ត្រីជាន់ខ្ពស់ដដែលបាននិយាយថា “ប្រធានាធិបតីបានបង្ហាញពីឆន្ទៈរបស់គាត់ក្នុងការធ្វើអ្វីគ្រប់យ៉ាងតាមអ្នកជំនាញគិតថាជាផ្លូវល្អបំផុតទាក់ទងនឹងការផ្តល់ទំនុកចិត្តលើវ៉ាក់សាំង”។
ជំនួយការសេតវិមាននិយាយថា “ដូចដែលអ្នកបានដឹងហើយថា លោកប្រធានាធិបតីបានជាសះស្បើយពីជំងឺកូវីដហើយដូច្នេះ ខ្ញុំគិតថា អ្វីដែលត្រូវពិភាក្សាគឺថាតើអ្នកដែលបានជាសះស្បើយពីជំងឺនេះហើយមានអង់ទីគ័រ នឹងចាំបាច់ជាអាទិភាពខ្ពស់សម្រាប់ការទទួលវ៉ាក់សាំងនិងសម្រាប់គោលបំណងនៃការជឿជាក់លើវ៉ាក់សាំងដែរឬក៏អត់”៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ មេធាវីផ្ទាល់របស់លោក Trump តេស្តវិជ្ជមាន កូវីដ១៩
ចុចអាន៖ លោក Biden ថា នឹងមិនស៊ើបអង្កេតដាក់ទោសលោក Trump ទេ ពេលចូលកាន់អំណាច
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)