ផ្ទុះនៅធនាគារប៉ាគីស្ថាន ស្លាប់មនុស្ស ១៤នាក់

ការផ្ទុះនៅធនាគារមួយក្នុងទីក្រុង Karachi ភាគខាងត្បូងប្រទេសប៉ាគីស្ថាន បានសម្លាប់មនុស្សចំនួន ១៤នាក់ ខណៈមនុស្សជាច្រើននាក់ទៀតបានរងរបួសនៅក្នុងការផ្ទុះនេះ ដែលគេជឿថា បណ្តាលមកពីការលេចធ្លាយឧស្ម័ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាក្សីបានប្រាប់សារព័ត៌មានក្នុងស្រុកថា មនុស្សជាច្រើននាក់ បានកប់ជាប់នៅក្នុងគំនរបាក់បែក ហើយមានការភ័យខ្លាចថា ចំនួនអ្នកស្លាប់នឹងកើនឡើង។

វីដេអូពីកន្លែងកើតហេតុបានបង្ហាញពីបង្អួច និងទ្វារនៅអគារធនាគារ Habib ត្រូវខ្ទេច, រថយន្តរងការខូចខាត និងឯកសាររាយប៉ាយពេញផ្លូវ។

មន្ត្រីប៉ូលិសក្នុងស្រុក បានប្រាប់អ្នកយកព័ត៌មានថា “ក្រុមអ្នកជំនាញខាងគ្រឿងផ្ទុះរបស់យើង កំពុងព្យាយាមដើម្បីបញ្ជាក់អំពីមូលហេតុពិតនៃការផ្ទុះនេះ ប៉ុន្តែតាមមើលទៅ រចនាសម្ព័ន្ធត្រូវបានសាងសង់នៅលើបំពង់បង្ហូរទឹក ហើយឧស្ម័នអាចជាមូលហេតុនៃគ្រោះថ្នាក់នេះ”៕

ប្រែសម្រួល៖ សន្យា

ប្រភព៖ BBC

ចុចអាន៖ Update៖ អ្នកស្លាប់ដោយសារព្យុះទីហ្វុង Rai នៅ ហ្វីលីពីន កើនដល់ ៧៥នាក់