អាមេរិកព្រមានថា តេស្តរហ័សរក អូមីក្រុង អាចចេញលទ្ធផលមិនពិត

រដ្ឋបាលចំណីអាហារ និងឪសថអាមេរិក (FDA) បាននិយាយកាលពីថ្ងៃអង្គារទី២៨ខែធ្នូថា ការធ្វើតេស្តរហ័សរកវីរុសកូវីដ១៩បំប្លែងខ្លួនប្រភេទ អូមីក្រុង ទំនងជាចេញលទ្ធផលអវិជ្ជមានមិនពិត។

ដំណឹងនេះកើតឡើងស្របពេលដែលប្រទេសនេះ កំពុងប្រឈមមុខនឹងការកើនឡើងករណីឆ្លងយ៉ាងគំហុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីថ្លែងការណ៍មួយ FDA បាននិយាយថា ខ្លួនកំពុងសហការជាមួយវិទ្យាស្ថានសុខភាពជាតិ (NIH) ដើម្បីសិក្សាអំពីការធ្វើតេស្តរហ័សតាមផ្ទះ រកវីរុសប្រភេទ អូមីក្រុង។

ទីភ្នាក់ងារនេះនិយាយថា “ទិន្នន័យដំបូងបង្ហាញថា ការធ្វើតេស្តរហ័សអាចរកវីរុសប្រភេទអូមីក្រុងឃើញ ប៉ុន្តែមិនអាចរកឃើញជាក់លាក់១០០%ទេ”។

ទោះបីជាយ៉ាងណាក៏ដោយ FDA មិនបញ្ជាក់ច្បាស់អំពីមូលហេតុទេ តែនិយាយថា ខ្លួននឹងបន្តអនុញ្ញាតឲ្យប្រើប្រាស់ការធ្វើតេស្តរហ័ស ហើយបុគ្គលនានាគួរតែបន្តប្រើប្រាស់វា ដោយអនុលោមតាមការណែនាំ។

ប្រសិនបើមនុស្សម្នាក់ធ្វើតេស្តអវិជ្ជមានជាមួយនឹងការធ្វើតេស្តរហ័ស ប៉ុន្តែគិតថាខ្លួនទំនងជាមានផ្ទុកកូវីដទាំងដោយសារការចេញរោគសញ្ញា ឬការប៉ះពាល់ជាមួយអ្នកឆ្លង ពួកគេនៅតែត្រូវបានណែនាំឲ្យធ្វើតេស្តម៉ាស៊ីនធំ៕

ប្រែសម្រួល៖ Vann Vann

ប្រភព៖ CNA

ចុចអាន៖ ហេតុផលមួយ អូមីក្រុង អាចធ្វើឲ្យ ដែលតា បាត់ខ្លួន