ព័ត៌មានអន្ដរជាតិ

ចិន អះអាងយកឈ្នះអាមេរិក អភិវឌ្ឍមីស៊ីលល្បឿនលឿនជាងសំឡេងជំនាន់ថ្មី វាយប្រហារគ្រប់កន្លែងលើផែនដី ត្រឹមប៉ុន្មាននាទី

បានផុស

៥ years មុន

នៅ

ថ្ងៃអង្គារ ៤ មករា ២០២២

ដោយ

ប្រទេសចិនអះអាងថា ខ្លួនបានយកឈ្នះសហរដ្ឋអាមេរិក ក្នុងការអភិវឌ្ឍន៍មីស៊ីលល្បឿនលឿនជាងសំឡេងជំនាន់ថ្មី ដែលអាចវាយប្រហារគោលដៅនានា រួមទាំងនាវាផ្ទុកយន្តហោះ និងយានជំនិះដែលកំពុងបន្លាស់ទីផងដែរ។

China claims it has beaten the United States to developing heat-seeking hypersonic missiles that could hone in on targets including aircraft carriers and moving vehicles

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអភិវឌ្ឍន៍ដែលទំនងជានឹងបន្ថែមកម្តៅដល់ការប្រកួតប្រជែងសព្វាវុធរវាងចិន អាមេរិក និងរុស្ស៊ីនេះ បានកើតឡើងបន្ទាប់ពីទីក្រុងប៉េកាំងបដិសេធថា ខ្លួនមិនបានធ្វើតេស្ដមីស៊ីលល្បឿនលឿនជាងសំឡេងផ្ទុកក្បាលគ្រាប់នុយក្លេអ៊ែរក្នុងខែសីហាទេ។

មីស៊ីលដែលហោះជុំវិញភពផែនដី បានបង្កជាក្តីព្រួយបារម្ភក្នុងចំណោមមន្ត្រីនៅសហរដ្ឋអាមេរិក ប៉ុន្តែចិនបានទទូចថា ការបាញ់បង្ហោះមីស៊ីលគឺសម្រាប់យានអវកាសប៉ុណ្ណោះ។

The development, which is likely to add intensity to the ongoing arms race between China, the US and Russia, comes after Beijing denied testing a nuclear-capable hypersonic missile in August. Pictured: The October launch of China's Long March rocket, which is said to have been used in August to test the hypersonic missile

យ៉ាងណាក្តី ឥឡូវនេះអ្នកស្រាវជ្រាវមកពីសាកលវិទ្យាល័យបច្ចេកវិទ្យាការពារជាតិរបស់ប្រទេសចិនបានអះអាងថា ចិនបានបង្កើតបច្ចេកវិទ្យា ដែលមានសមត្ថភាពនាំមីស៊ីលល្បឿនលឿនជាងសំឡេង ស្វែងរកគោលដៅដោយផ្អែកលើកម្តៅរបស់វា។

យោងតាមការស្រាវជ្រាវដែលដកស្រង់ដោយកាសែត South China Morning Post, អ្នកវិទ្យាសាស្ត្រឈានមុខ លោកសាស្ត្រាចារ្យ Yi Shihe បានអះអាងនៅក្នុងឯកសារវិទ្យាសាស្ត្រមួយ ដែលបោះពុម្ពផ្សាយកាលពីខែមុនថា ប្រទេសចិនបានទទួលជោគជ័យក្នុងការទម្លាយរបកគំហើញបច្ចេកវិទ្យាស្នូល ដែលត្រូវបានបញ្ជាក់ថាមានប្រសិទ្ធភាពក្នុងការធ្វើតេស្ត។

DF-17 Dongfeng medium-range ballistic missiles equipped with a DF-ZF hypersonic glide vehicle, involved in a military parade to mark the 70th anniversary of the Chinese People's Republic

ប្រសិនបើជាការពិតមែននោះ វាមានន័យថា ប្រទេសចិនអាចយកឈ្នះលើឧបសគ្គក្នុងការអភិវឌ្ឍន៍ប្រព័ន្ធស្វែងរកកម្តៅ ដែលមានសមត្ថភាពហោះហើរក្នុងល្បឿនលឿនជាងសំឡេង។

គួរបញ្ជាក់ថា មីស៊ីលល្បឿនលឿនជាងសំឡេង អាចហោះហើរក្នុងល្បឿនរហូតដល់ ៣៣,៧៩៦ គីឡូម៉ែត្រក្នុងមួយម៉ោង ហើយអាចវាយប្រហារគ្រប់ទីកន្លែងនៅលើផែនដីពីលំហ ក្នុងរយៈពេលតែប៉ុន្មាននាទីប៉ុណ្ណោះ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ចិន មិនខ្លាចប្រឈមមុខជាមួយអាមេរិកឡើយ ហើយនឹងប្រយុទ្ធដល់ទីបញ្ចប់