ទីបំផុត ប្រទេសអាស៊ានចុងក្រោយគេរកឃើញ Omicron ហើយ

គណៈកម្មាធិការជាតិសម្រាប់ការពារ និងគ្រប់គ្រងជំងឺកូវីដ ១៩ បានប្រកាសកាលពីថ្ងៃសុក្រថា ប្រទេសឡាវបានរកឃើញករណីដំបូងនៃវីរុសបំប្លែងខ្លួន Omicron ហើយ ។

លោក Rattanaxay Phetsouvanh អគ្គនាយកនៃនាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលឡាវបាននិយាយនៅក្នុងសេចក្តីប្រកាសពិសេសមួយកាលពីល្ងាចថ្ងៃសុក្រថា វីរុសបំប្លែងខ្លួន Omicron ត្រូវបានរកឃើញនៅក្នុងអ្នកដំណើរដែលមកដល់ជើងហោះហើរ AK7552 ពីប្រទេសម៉ាឡេស៊ីកាលពីថ្ងៃអាទិត្យ ។

ជើងហោះហើរនេះមានផ្ទុកមនុស្សចំនួន ៤២ នាក់ ហើយបន្ទាប់ពីត្រូវបានធ្វើតេស្តរកកូវីដមនុស្ស ២ នាក់មកពីគ្រួសារតែមួយបានធ្វើតេស្តវិជ្ជមានសម្រាប់វីរុសនេះ ។

ទន្ទឹមនោះ ពួកគេទាំងពីរនាក់ក៏បានចាក់វ៉ាក់សាំងការពារជំងឺកូវីដ ១៩ ពេញដូសផងដែរ ។ ក្នុងចំណោមករណីវិជ្ជមានទាំងពីរ Omicron ត្រូវបានរកឃើញនៅក្នុងអ្នកដំណើរស្រីម្នាក់ ។

អ្នកឆ្លងបានធ្វើដំណើរពីប្រទេសឥណ្ឌាឆ្លងកាត់ប្រទេសស្រីលង្កាដោយផ្ទេរទៅប្រទេសម៉ាឡេស៊ី មុនពេលមកដល់ប្រទេសឡាវ ។

ទន្ទឹមនឹងនេះ សណ្ឋាគារសម្រាប់ដាក់ការធ្វើចត្តាឡីស័កនៃអ្នកដំណើរផ្សេងទៀតមកពីជើងហោះហើរ AK7552 កំពុងស្នាក់នៅត្រូវបានណែនាំឲ្យធ្វើការប្រុងប្រយ័ត្នយ៉ាងតឹងរ៉ឹង ដោយធានាឲ្យបុគ្គលម្នាក់ៗស្ថិតនៅក្នុងបន្ទប់របស់ពួកគេគ្រប់ពេលវេលា ដើម្បីទប់ស្កាត់ការរីករាលដាលនៃវីរុសបំប្លែងខ្លួនមួយនេះ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ចិន បង្វែរការនាំចូល និងនាំចេញទំនិញរាប់រយប្រភេទតាមផ្លូវរថភ្លើង ចិន-ឡាវ វិញ