ព័ត៌មានអន្ដរជាតិ
Omicron បំបែកកំណត់ត្រាអ្នកឆ្លងថ្មីចូលមន្ទីរពេទ្យនៅអាមេរិក
សហរដ្ឋអាមេរិកមានអ្នកជំងឺកូវីដ-១៩ចូលមន្ទីរពេទ្យបំបែកកំណត់ត្រារហូតដល់ជាង ១៣២ ០០០នាក់កាលពីថ្ងៃចន្ទម្សិលមិញ ដោយសារវីរុសបំប្លែងខ្លួន Omicron រាតត្បាតខ្លាំង។
កំណត់ត្រាថ្មីសម្រាប់អ្នកឆ្លងកូវីដចូលមន្ទីរពេទ្យនៅសហរដ្ឋអាមេរិកគឺ ១៣២ ៦៤៦នាក់ ដែលបំបែកកំណត់ត្រាចាស់របស់ខ្លួនកាលពីខែមករា ឆ្នាំមុនគឺ ១៣២ ០៥១នាក់។
ការចូលមន្ទីរពេទ្យបានកើនឡើងជាប្រចាំគិតចាប់តាំងពីខែធ្នូមកពោលគឺកើនឡើងទ្វេដងក្នុងរយៈពេល៣សប្តាហ៍ចុងក្រោយនេះ ដោយសារវីរុសបំប្លែងខ្លួន Omicron ឆ្លងយ៉ាងឆាប់រហ័សដាច់ Delta នៅសហរដ្ឋអាមេរិក។ តាមការវិភាគរបស់ Reuters បានបង្ហាញថា រដ្ឋជាច្រើននៅអាមេរិកមានករណីអ្នកជំងឺឆ្លងចូលមន្ទីរពេទ្យជាប់កំណត់ត្រាថ្មី។
នៅពេលអាការឈឺមិនសូវធ្ងន់ធ្ងរ មន្ត្រីសុខាភិបាលបានព្រមានថា ចំនួនអ្នកឆ្លងបណ្តាលមកពីវីរុស Omicron អាចនឹងធ្វើឲ្យប្រព័ន្ធសុខាភិបាលដុនដាប។ មន្ទីរពេទ្យមួយចំនួនបានផ្អាកនីតិវិធីជ្រើសរើសរួចហើយ ស្របពេលពួកគេកំពុងប្រឈមនឹងអ្នកជំងឺកាន់តែច្រើន ហើយខ្វះបុគ្គលិក។
ជាមធ្យមក្នុងរយៈពេល៧ថ្ងៃចុងក្រោយ ករណីឆ្លងថ្មីបានកើនឡើងទ្វេដងដល់ ៧០៤ ០០០នាក់។ អាមេរិកមានករណីឆ្លងថ្មីប្រចាំថ្ងៃជាងកន្លះលាននាក់ក្នុងរយៈពេល៦ថ្ងៃជាប់គ្នា។
ចំពោះករណីស្លាប់វិញជាមធ្យម ១៧០០នាក់ក្នុងមួយថ្ងៃក្នុងរយៈពេលប៉ុន្មានថ្ងៃចុងក្រោយនេះដែលបានកើនឡើងពី១៤០០នាក់៕
ប្រែសម្រួល៖ វីរបុត្រ
ប្រភព៖ Reuters
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល