ព័ត៌មានអន្ដរជាតិ
អាមេរិក ដាក់ទណ្ឌកម្មជនជាតិកូរ៉េខាងជើង ក្រោយបាញ់មីស៊ីលថ្មីៗនេះ (មានវីដេអូ)
រដ្ឋាភិបាលសហរដ្ឋអាមេរិកបានដាក់ទណ្ឌកម្មលើជនជាតិកូរ៉េខាងជើង ៦ នាក់ និងជនជាតិរុស្សីម្នាក់ ដោយចោទប្រកាន់ពួកគេថាមានជាប់ពាក់ព័ន្ធក្នុងកម្មវិធីនុយក្លេអ៊ែរ និងមីស៊ីលរបស់កូរ៉េខាងជើង ។
នាយកដ្ឋានរតនាគារបាននិយាយកាលពីថ្ងៃពុធថា ខ្លួនបានចាត់វិធានការប្រឆាំងនឹងមនុស្ស ៧ នាក់ និងក្រុមហ៊ុនរុស្ស៊ីដែលមានមូលដ្ឋាននៅទីក្រុងម៉ូស្គូ ហើយទណ្ឌកម្មនោះរួមមានការបង្កកទ្រព្យសម្បត្តិជាដើម ។
នាយកដ្ឋាននេះនិយាយថា បុរសជនជាតិកូរ៉េខាងជើងម្នាក់ដែលមានមូលដ្ឋាននៅទីក្រុង Vladivostok បានចូលរួមក្នុងការទិញឧបករណ៍ទាក់ទងនឹងទូរគមនាគមន៍ពីប្រទេសរុស្ស៊ី ។
គួររំឭកថា កូរ៉េខាងជើងបានបាញ់សាកល្បងមីស៊ីលល្បឿនលឿនជាងសំឡេងកាលពីសប្តាហ៍មុនចេញពីខេត្ត Jagang ភាគខាងជើង ហើយក្រោយមកបានបាញ់បង្ហោះមីស៊ីលល្បឿនលឿនជាងសំឡេងមួយទៀតកាលពីថ្ងៃអង្គារ ខណៈមេដឹកនាំកូរ៉េខាងជើងលោក គីម ជុងអ៊ុន តាមសេចក្តីរាយការណ៍ក៏បានមើលការបាញ់សាកល្បងនោះផងដែរ ។
ទន្ទឹមនោះ នាយកដ្ឋានរតនាគារបានថ្កោលទោសកូរ៉េខាងជើង ដោយនិយាយថា កូរ៉េខាងជើងបានបាញ់មីស៊ីលផ្លោងចំនួន ៦ គ្រាប់ ចាប់តាំងពីខែកញ្ញាឆ្នាំ ២០២១ ដែលនីមួយៗបានរំលោភលើដំណោះស្រាយជាច្រើនរបស់ក្រុមប្រឹក្សាសន្តិសុខអង្គការសហប្រជាជាតិ ។
ស្របពេលជាមួយគ្នានេះ រដ្ឋបាលរបស់ប្រធានាធិបតីអាមេរិកលោក ចូ បៃដិន កំពុងរិះរកមធ្យោបាយដើម្បីរំសាយអាវុធនុយក្លេអ៊ែរកូរ៉េខាងជើង ដោយពង្រឹងកិច្ចសហប្រតិបត្តិការជាមួយជប៉ុន និងកូរ៉េខាងត្បូង ប៉ុន្តែរហូតមកដល់ពេលនេះ មិនទាន់ឈានដល់ការសម្រេចបានណាមួយនៅឡើយទេ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ NHK

-
ព័ត៌មានជាតិ១ សប្តាហ៍ ago
សពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
ព័ត៌មានជាតិ៣ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម៧ ថ្ងៃ ago
នគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៦ ថ្ងៃ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ១ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សន្តិសុខសង្គម១ សប្តាហ៍ ago
តុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៣ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៤ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ