ព័ត៌មានអន្ដរជាតិ
អាមេរិក កំពុងហ្វឹកហាត់កងទ័ព អ៊ុយក្រែន ទប់ទល់ រុស្ស៊ី
រដ្ឋបាលលោក ចូ បៃដិន កំពុងថ្លឹងថ្លែងជម្រើសថ្មីរួមទាំងការផ្តល់អាវុធបន្ថែមដល់អ៊ុយក្រែនដើម្បីទប់ទល់នឹងការកាន់កាប់របស់រុស្ស៊ី ដើម្បីព្យាយាមបង្កើនការចំណាយសម្រាប់ប្រធានាធិបតីរុស្ស៊ី លោក វ្ល៉ាឌីមៀ ពូទីន ប្រសិនបើលោកសម្រេចចិត្តឈ្លានពានប្រទេសនេះ ។
លោកប្រធានាធិបតី ចូ បៃដិន បាននិយាយថា ការបញ្ជូនទាហានអាមេរិកទៅកាន់អ៊ុយក្រែនដើម្បីប្រយុទ្ធជាមួយរុស្ស៊ីគឺមិនទាន់មាននៅលើតុនោះទេ ។ ប៉ុន្តែកងកម្លាំងប្រតិបត្តិការពិសេសបាននិងកំពុងផ្តល់ការបណ្តុះបណ្តាលដល់កងកម្លាំងអ៊ុយក្រែន ហើយមន្ត្រីរដ្ឋបាលជាន់ខ្ពស់បាននិយាយថា វាអាចទៅរួចដែលភ្នាក់ងារផ្សេងទៀតអាចផ្តល់ការគាំទ្រមួយចំនួនដូចជា CIA ជាដើម ។
ទន្ទឺមនោះ មន្ត្រីអាមេរិកមបាននិយាយថា នាយក CIA លោក Bill Burns ក៏បានធ្វើដំណើរទៅកាន់ទីក្រុង Kyiv កាលពីសប្តាហ៍មុនរួចហើយផងដែរដើម្បីជួបជាមួយប្រធានាធិបតីអ៊ុយក្រែន លោក Volodymyr Zelensky និងពិភាក្សាអំពីហានិភ័យ និងការទប់ទល់ចំពោះអ៊ុយក្រែន ។
បន្ថែមពីលើការពិចារណាអំពីរបៀបជួយយោធា និងរដ្ឋាភិបាលអ៊ុយក្រែនទប់ទល់នឹងការឈ្លានពាន សហរដ្ឋអាមេរិកកំពុងវាយតម្លៃជម្រើសសម្រាប់ការពង្រឹងសមត្ថភាពរបស់កងកម្លាំងអ៊ុយក្រែនក្នុងការទប់ទល់នឹងការកាន់កាប់ដ៏មានសក្តានុពលរបស់រុស្ស៊ី ។
មន្ត្រីជាន់ខ្ពស់អាមេរិកម្នាក់បានប្រាប់ CNN ថា នោះរួមមានសក្តានុពលក្នុងការផ្តល់ឲ្យកងទ័ពអ៊ុយក្រែននូវគ្រាប់កាំភ្លើង កាំភ្លើងត្បាល់ មីស៊ីលប្រឆាំងរថក្រោះ Javelin និងប្រព័ន្ធមីស៊ីលប្រឆាំងយន្តហោះ ដែលទំនងជាមកពីសម្ព័ន្ធមិត្តណាតូ ។
គួរបញ្ជាក់ថា ដំណឹងនេះកើតឡើងមុនជំនួបទល់មុខគ្នារវាងរដ្ឋមន្ត្រីការបរទេសសហរដ្ឋអាមេរិកលោក Antony Blinken និងរដ្ឋមន្ត្រីការបរទេសរុស្ស៊ី Sergey Lavrov ក្នុងទីក្រុងហ្សឺណែវនៅថ្ងៃសុក្រ ។ មន្ត្រីជាន់ខ្ពស់ក្រសួងការបរទេសម្នាក់បាននិយាយថា កិច្ចប្រជុំដែលបានគ្រោងទុកនេះប្រហែលពិភាក្សាពីបញ្ហា “ការទូតមិនទាន់ស្លាប់ទេ” ៕
ប្រែសម្រួលដោយ ៖ ជីវ័ន្ត
ប្រភព ៖ CNN
ចុចអាន ៖ ឡើងកម្តៅ! អង់គ្លេស បញ្ជូនទ័ព និងសព្វាវុធបច្ចេកវិទ្យាទំនើបទៅ អ៊ុយក្រែន ហើយ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)