រុស្ស៊ីរៀបចំធ្វើសមយុទ្ធទ្រង់ទ្រាយធំ មានការចូលរួមពីកងនាវាទាំងអស់ (មានវីដេអូ)

ប្រទេសរុស្ស៊ី បានប្រកាសកាលពីថ្ងៃព្រហស្បតិ៍ទី២០ខែមករាថា កងទ័ពជើងទឹករបស់ខ្លួននឹងរៀបចំសមយុទ្ធទ្រង់ទ្រាយធំមួយ ដែលមានការចូលរួមពីកងនាវារបស់ខ្លួនទាំងអស់ក្នុងខែនេះ ចាប់ពីមហាសមុទ្រប៉ាស៊ីហ្វិក ទៅដល់មហាសមុទ្រអាត្លង់ទិក ដែលជាការបង្ហាញកម្លាំងយោធាថ្មីបំផុត ស្របពេលកំពុងប្រឈមមុខជាមួយប្រទេសលោកខាងលិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមយុទ្ធនេះនឹងធ្វើឡើងនៅក្នុងសមុទ្រដែលជាប់ប្រទេសរុស្ស៊ីដោយផ្ទាល់ ហើយក៏មានសមយុទ្ធនៅក្នុងសមុទ្រមេឌីទែរ៉ាណេ, សមុទ្រខាងជើង, សមុទ្រ Okhotsk, ភាគឦសានមហាសមុទ្រអាត្លង់ទិក និងប៉ាស៊ីហ្វិកផងដែរ។

ក្រសួងការពារជាតិបាននិយាយនៅក្នុងសេចក្តីថ្លែងការណ៍មួយថា សមយុទ្ធនេះនឹងមានការចូលរួមពីនាវាចម្បាំង និងនាវាជំនួយចំនួន១៤០គ្រឿង, យន្តហោះ៦០គ្រឿង, យានយោធាចំនួន១,០០០គ្រឿង និងទាហានប្រហែល១០,០០០នាក់ ។

សកម្មភាពយោធារបស់រុស្ស៊ី កំពុងត្រូវបានពិនិត្យយ៉ាងដិតដល់ ខណៈការបង្កើនកងទ័ពនៅជិតអ៊ុយក្រែន និងវោហាសាស្រ្តខ្លាំងក្លាបានធ្វើឲ្យប្រទេសលោកខាងលិចខឹងសម្បា ព្រមទាំងបង្កឲ្យមានការភ័យខ្លាច ផ្ទុះសង្រ្គាម។

ទោះបីជាយ៉ាងណាក៏ដោយ ទីក្រុងមូស្គូបានបដិសេធយ៉ាងដាច់អហង្ការនូវផែនការណាមួយ ដើម្បីឈ្លានពានអ៊ុយក្រែន។

ដោយឡែក ប្រទេសចិន រុស្ស៊ី និងអ៊ីរ៉ង់ ក៏គ្រោងនឹងធ្វើសមយុទ្ធកងទ័ពជើងទឹករួមគ្នានៅថ្ងៃសុក្រទី២១ខែមករានេះផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Reuters

ចុចអាន៖ អាមេរិក យល់ព្រម ឲ្យផ្ទេរ អាវុធ ពី សម្ព័ន្ធមិត្ត ទៅ អ៊ុយក្រែន ហើយ!