ព័ត៌មានអន្ដរជាតិ
រុស្ស៊ី និងអ៊ុយក្រែន ព្រមព្រៀងបន្តបទឈប់បាញ់ “ដោយគ្មានលក្ខខណ្ឌ”
អ្នកចរចារុស្ស៊ី និងអ៊ុយក្រែនបានព្រមព្រៀងគ្នាបន្តឃ្លាំមើលបទឈប់បាញ់ជាអចិន្ត្រៃយ៍ “ដោយគ្មានលក្ខខណ្ឌ” នៅភាគខាងកើតអ៊ុយក្រែន បន្ទាប់ពីកិច្ចចរចារយៈពេលជាច្រើនម៉ោងនៅទីក្រុងប៉ារីសកាលពីថ្ងៃពុធ ។
ការប្រកាសនេះបានធ្វើឡើង បន្ទាប់ពីកិច្ចប្រជុំមួយនៅឯវិមាន Elysee ដែលជាការសន្ទនា ៤ ផ្លូវរវាងអ្នកតំណាងមកពីអ៊ុយក្រែន រុស្ស៊ី អាល្លឺម៉ង់ និងបារាំង ដែលបាននិងកំពុងព្យាយាមស្វែងរកសន្តិភាពនៅភាគខាងកើតអ៊ុយក្រែន ចាប់តាំងពីឆ្នាំ ២០១៤ ។
ភាពតានតឹងរវាងទីក្រុងម៉ូស្គូ និងទីក្រុងគៀវ ស្ថិតក្នុងកម្រិតខ្ពស់បំផុតក្នុងរយៈពេលប៉ុន្មានឆ្នាំមកនេះ ជាមួយនឹងការបង្កើតកងទ័ពរុស្ស៊ីដ៏ធំមួយនៅជិតព្រំដែនរួមគ្នានៃអតីតសាធារណរដ្ឋសូវៀតទាំងពីរ ដែលជំរុញឲ្យមានការភ័យខ្លាចថា រុស្ស៊ីអាចចាប់ផ្តើមមានសកម្មភាពយោធាលើអ៊ុយក្រែន ។
ថ្លែងបន្ទាប់ពីកិច្ចប្រជុំកាលពីថ្ងៃពុធ ប្រធានអ្នកចរចារបស់ទីក្រុងម៉ូស្គូ លោក Dmitry Kozak បាននិយាយថា បទឈប់បាញ់ត្រូវតែបន្តឃ្លាំមើល “ដោយគ្មានលក្ខខណ្ឌ” ប៉ុន្តែបញ្ហាជាច្រើនទៀតនៅភាគខាងកើតអ៊ុយក្រែននៅតែមិនទាន់ដោះស្រាយបាន ។
ចំណែកអ្នកចរចាអ៊ុយក្រែនលោក Andriy Yermak បាននិយាយថា ភាគីទាំងអស់គាំទ្របទឈប់បាញ់ជាអចិន្ត្រៃយ៍ ហើយអ៊ុយក្រែនបានត្រៀមខ្លួនជាស្រេចក្នុងការចរចារគ្រប់ពេលដើម្បីការពារសង្រ្គាម និងកាត់បន្ថយភាពតានតឹងជុំវិញព្រំដែន ។
ទន្ទឹមនោះ មន្ត្រីលោកខាងលិចក៏កំពុងបន្តជំរុញឲ្យមានដំណោះស្រាយការទូតចំពោះភាពតានតឹងនេះតាមរយៈការអនុវត្តពេញលេញនៃកិច្ចព្រមព្រៀងទីក្រុង Minsk ជាពិធីសារបទឈប់បាញ់ដែលបានចុះហត្ថលេខាដោយអ៊ុយក្រែន និងរុស្ស៊ីក្នុងឆ្នាំ ២០១៥ ៕
ប្រែសម្រួលដោយ ៖ ជីវ័ន្ត
ប្រភព ៖ CNN
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល