Connect with us

ព័ត៌មានអន្ដរជាតិ

រឿងទាំងនេះនឹងកើតឡើងបើ រុស្ស៊ី វាយ អ៊ុយក្រែន មែន

បានផុស

នៅ

ស្របពេលដែលបញ្ហារុស្ស៊ី-អ៊ុយក្រែនកំពុងបង្កភាពតានតឹងកាន់តែខ្លាំងឡើងនោះ ពិភពលោកកំពុងមានការភ័យខ្លាចថា សង្គ្រាមអាចនឹងផ្ទុះឡើងខណៈដែលមហាអំណាចធំៗ កំពុងបង្ហាញសាច់ដុំដាក់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
This image has an empty alt attribute; its file name is GettyImages-1235965583.jpg

ប្រទេសលោកខាងលិចបានបង្ហាញការគាំទ្ររបស់ពួកគេនៅពីក្រោយអ៊ុយក្រែន ប៉ុន្តែការឆ្លើយតបខ្លះមានភាពតឹងរ៉ឹងជាងប្រទេសដទៃទៀត។ សហរដ្ឋ​អាមេរិក និង​ចក្រភព​អង់គ្លេស​បាន​ផ្គត់ផ្គង់​សព្វាវុធ ខណៈ​អាល្លឺម៉ង់​គ្រោង​នឹង​បញ្ជូនឧបករណ៍សម្រាប់ការ​ព្យាបាល​នៅ​ខែ​ក្រោយ ប៉ុន្តែ​នឹង​មិនផ្គត់ផ្គង់​ឧបករណ៍​យោធា​ទេ។

ក៏មាន​កិច្ចពិភាក្សា​ជាច្រើនផងដែរ ​អំពី​ទណ្ឌកម្ម​ដែល​មាន​គោលបំណង​ដាក់លើ​ក្រុងមូស្គូ។ សម្ព័ន្ធមិត្តរបស់អាមេរិក និងអឺរ៉ុបបានសន្យាថា នឹងវាយប្រហារផ្នែកហិរញ្ញវត្ថុរបស់រុស្ស៊ីមិនធ្លាប់មានពីមុនមក ប្រសិនបើលោក ពូទីន ដាក់យោធាចូលទៅក្នុងប្រទេសអ៊ុយក្រែន។

This image has an empty alt attribute; its file name is 2021-12-06-UKRAINE-CRISIS-DEFENCE-1024x538.jpg

ការកាត់រុស្ស៊ីចេញពីប្រព័ន្ធហិរញ្ញវត្ថុ SWIFT ដែលជាផ្ទេរប្រាក់ពីធនាគារមួយទៅធនាគារមួយជុំវិញពិភពលោក នឹងក្លាយជាវិធានការហិរញ្ញវត្ថុដ៏តឹងរ៉ឹងបំផុតមួយដែលពួកគេអាចធ្វើបាន ដោយវានឹងបំផ្លាញសេដ្ឋកិច្ចរបស់រុស្ស៊ីភ្លាមៗ និងមានរយៈពេលយូរអង្វែង។

ទង្វើនេះ អាចកាត់ផ្តាច់រុស្ស៊ីពីប្រតិបត្តិការហិរញ្ញវត្ថុអន្តរជាតិភាគច្រើន រួមទាំងប្រាក់ចំណេញអន្តរជាតិពីផលិតកម្មប្រេង និងឧស្ម័ន ដែលរួមចំណែកច្រើនជាង៤០ភាគរយនៃប្រាក់ចំណូលរបស់ប្រទេសនេះផងដែរ។

This image has an empty alt attribute; its file name is 6167a53585f5407ab06a8549-1024x576.png

អាមេរិក​ក៏មាន​អាវុធ​ហិរញ្ញវត្ថុ​ដ៏​មាន​ឥទ្ធិពល​បំផុត​មួយ​ប្រឆាំង​នឹង​លោក ពូទីន ផងដែរប្រសិនបើ​លោកវាយ​អ៊ុយក្រែន ពោលគឺរារាំង​រុស្ស៊ី​មិន​ឲ្យ​ចូល​ប្រើប្រាស់​ប្រាក់​ដុល្លារ​អាមេរិកខណៈប្រាក់ដុល្លារនៅតែគ្របដណ្ដប់លើប្រតិបត្តិការហិរញ្ញវត្ថុជុំវិញពិភពលោក។

ចុងក្រោយ អាមេរិកកំពុងពិចារណា ដាក់ការត្រួតពិនិត្យលើការនាំចេញ ដែលអាចកាត់ផ្តាច់រុស្ស៊ីពីបច្ចេកវិទ្យាខ្ពស់ ធ្វើឲ្យទីក្រុងមូស្គូពិបាកប្រើបច្ចេកវិទ្យាជាមួយយន្តហោះចម្បាំង និងយន្តហោះដឹកអ្នកដំណើរ និងដាក់ឥទ្ធិពលលើផលិតកម្មស្មាតហ្វូន៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អាមេរិក ច្រានចោលការទាមទាររបស់រុស្ស៊ី កុំឲ្យអ៊ុយក្រែន ចូល ណាតូ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម