ព័ត៌មានអន្ដរជាតិ

ចេញមុខហើយ ពេលនេះ ណាតូ ដាក់ពង្រាយកម្លាំង ឆ្លើយតបលើកដំបូង ជាមួយ រុស្ស៊ី

បានផុស

៤ years មុន

នៅ

ថ្ងៃសៅរ៍ ២៦ កុម្ភៈ ២០២២

ដោយ

មេដឹកនាំណាតូ បានអនុញ្ញាតឲ្យដាក់ពង្រាយក្រុមកងកម្លាំង ឆ្លើយតបរបស់សម្ព័ន្ធភាព ជាលើកដំបូង។ ចំណាត់ការនេះ ធ្វើឡើង ដើម្បីឆ្លើយតបនឹងការវាយប្រហាររបស់ រុស្ស៊ី លើ អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គភាពនេះមានកងទ័ពចំនួន ៤០,០០០ នាក់ និងមានកងកម្លាំងជើងគោក អាកាស និងកងទ័ពជើងទឹក ។

អគ្គលេខាធិការណាតូលោក Jens Stoltenberg មិនបាននិយាយថា តើទាហានប៉ុន្មាននាក់នឹងត្រូវដាក់ពង្រាយ។ ប៉ុន្តែលោកបាននិយាយថា រុស្ស៊ីបានបំផ្លាញសន្តិភាពនៅអឺរ៉ុប ហើយថាប្រជាជនអ៊ុយក្រែនកំពុងប្រយុទ្ធដើម្បីសេរីភាពរបស់ពួកគេ នៅចំពោះមុខការវាយប្រហារ ដោយក្រុងម៉ូស្គូ។

ទាហានរាប់ពាន់នាក់ មកពីសហរដ្ឋអាមេរិក កាណាដា និងបណ្ដាប្រទេសអឺរ៉ុប ត្រូវបានបញ្ជូនទៅច្រាំងខាងខាងកើតរបស់អង្គការណាតូ។ ពួកគេនឹងមិនចូលអ៊ុយក្រែនទេ ព្រោះវាមិនមែនជាសមាជិកនៃសម្ពន្ធភាព។ ប៉ុន្តែណាតូ នឹងផ្ដល់សព្វាវុធ និងឧបករណ៍បន្ថែមទៀត ដល់កងកម្លាំងអ៊ុយក្រែន។

ទោះបីជាយ៉ាងណា មេដឹកនាំណាតូ ក៏បានចេញសេចក្ដីថ្លែងការណ៍មួយ ដោយនិយាយថា ពួកគេបានខិតខំប្រឹងប្រែងដើម្បីបន្តការសន្ទនាជាមួយរុស្ស៊ី។ ពួកគេនិយាយថា ខ្លួនបានអញ្ជើញមន្ត្រីរុស្ស៊ីឲ្យអង្គុយចរចាម្ដងហើយម្ដងទៀត ប៉ុន្តែមិនបានទទួលការឆ្លើយតបទេ។ ពួកគេក៏បានពណ៌នាសេចក្ដីថ្លែងការណ៍ ចេញពីវិមានក្រឹមឡាំងថា ជា “របាំងនៃការកុហក”៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ ប្រធានាធិបតី អ៊ុយក្រែន បង្ហោះឃ្លិប ក្រោយពាក្យចចាមអារ៉ាមថា លោកគេចខ្លួនចោលប្រជាជន