Connect with us

ព័ត៌មានអន្ដរជាតិ

ជនស៊ីវិល ១៥០នាក់ ត្រូវ អ៊ុយក្រែន យកធ្វើជាខែល ដើម្បីការពារខ្លួន

បានផុស

នៅ

នៅព្រឹកចន្ទនេះ កងកម្លាំងប្រដាប់អាវុធរុស្ស៊ីបានប្រកាសបទឈប់បាញ់ចាប់ពីម៉ោង ១០:០០ ព្រឹក ម៉ោងនៅមូស្គូ សម្រាប់អ្នករស់នៅក្នុងទីក្រុងរបស់ប្រទេស អ៊ុយក្រែន ដូចជា Kiev, Mariupol, Kharkov និង Sumy ដើម្បីជម្លៀសខ្លួនចេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
DPR People's Militia in a tank ride along the street of the village of Bugas.
 - Sputnik International, 1920, 07.03.2022

អំឡុងពេលនេះអ្នកជាតិនិយមអ៊ុយក្រែននៅទីក្រុង Mariupol បានប្រើប្រាស់ជនស៊ីវិលប្រហែល ១៥០ នាក់ ធ្វើជាខែលការពារខ្លួន ហើយបានបើកការបាញ់ប្រហារមកលើយោធា រុស្ស៊ី ខណៈទង្វើនេះត្រូវបានក្រសួងការពារជាតិរុស្ស៊ីចាត់ទុកដូចជាការចាប់ជនស៊ីវិលធ្វើចំណាប់ខ្មាំងដូច្នោះដែរ។

កាលពីម្សិលមិញ នៅម៉ោងប្រហែល ១៧.០០ ម៉ោងនៅទីក្រុងម៉ូស្គូ នៅលើផ្លូវ Pobedy ក្នុងទីក្រុង Mariupol ទាហានរុស្ស៊ី បានប៉ះទង្គិចជាមួយអង្គភាពជាតិនិយមប្រដាប់អាវុធអ៊ុយក្រែន។ ពួកសកម្មប្រយុទ្ធបានបើកឡានដឹកជនស៊ីវិលជាង ១៥០នាក់ នៅពីមុខពួកគេ ដើម្បីការពារខ្លួនពីយោធា រុស្ស៊ី។ នេះ​បើ​តាម​អ្នក​នាំ​ពាក្យ ​ឧត្តម​សេនីយ៍ Igor Konashenkov។

Guerrilla tactics offer Ukraine's best deterrent against Putin's invasion  force - Atlantic Council

លោក Konashenkov និយាយថា ចាប់តាំងពីការចាប់ផ្តើមប្រតិបត្តិការពិសេសរបស់យោធាមក កងកម្លាំងប្រដាប់អាវុធរុស្ស៊ីបានបំផ្លាញទីតាំងយោធាចំនួន ២,៣៩៦ នៅអ៊ុយក្រែន។ ក្រៅពីនោះ រថក្រោះចំនួន ៨២៧ គ្រឿង និងរថពាសដែកប្រយុទ្ធផ្សេងទៀត ប្រព័ន្ធរ៉ុក្កែតចំនួន ៨៤ គ្រឿង កាំភ្លើងធំ និងកាំភ្លើងត្បាល់ចំនួន ៣០៤ គ្រឿង រថយន្តយោធាពិសេសចំនួន ៦០៣ គ្រឿង ព្រមទាំងយានជំនិះគ្មានមនុស្សបើកចំនួន ៧៨ គ្រឿងក៏ត្រូវបានបំផ្លាញផងដែរ។

យ៉ាងណាមិញ ថ្ងៃនេះ ចាប់ពីម៉ោង ១០:០០ ព្រឹក ម៉ោងនៅទីក្រុងមូស្គូ ការឈប់បាញ់មួយត្រូវបានប្រកាស ហើយច្រករបៀងមនុស្សធម៌ចំនួន ៦ កន្លែង ត្រូវបានបើកសារជាថ្មី៕

ប្រែសម្រួល៖ សន្យា

ប្រភព៖ Sputnik

ចុចអាន៖ រុស្ស៊ី ប្រាប់ពីទំនាក់ទំនងជាមួយលោកខាងលិច ក្រោយព្រឹត្តិការណ៍នៅ អ៊ុយក្រែន

ចុចអាន៖ អ្នកស្ម័គ្រចិត្តបរទេស ២ ម៉ឺននាក់ទៅ អ៊ុយក្រែន ប្រយុទ្ធជាមួយទ័ព រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម