ស្ថានភាពកាន់តែវឹកវរ លោក Zelensky ស្នើបន្តច្បាប់អាជ្ញាសឹករយៈពេល ៣០ ថ្ងៃទៀត

ប្រធានាធិបតីអ៊ុយក្រែនលោក Volodymyr Zelensky បានដាក់សេចក្ដីព្រាងច្បាប់ទៅសភា Verkhovna Rada របស់អ៊ុយក្រែនស្តីពីការបន្តច្បាប់អាជ្ញាសឹកនៅអ៊ុយក្រែន ។

សារព័ត៌មាន Ukrinform បានរាយការណ៍ថា ឯកសារនេះស្នើឲ្យអនុម័តក្រឹត្យប្រធានាធិបតីស្តីពីការបន្តច្បាប់អាជ្ញាសឹកនៅអ៊ុយក្រែនរយៈពេល ៣០ ថ្ងៃទៀត ពោលចាប់ពីថ្ងៃទី ២៦ ខែមីនា ឆ្នាំ ២០២២ ។

គួរបញ្ជាក់ថា កាលពីថ្ងៃទី ២៤ ខែកុម្ភៈ ប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រកាសពីការចាប់ផ្តើមការលុកលុយលើអ៊ុយក្រែន ។

កងទ័ពរុស្ស៊ីបានបាញ់ផ្លោង និងបំផ្លាញហេដ្ឋារចនាសម្ព័ន្ធសំខាន់ៗ តំបន់លំនៅដ្ឋាននៃទីក្រុង និងភូមិនានារបស់អ៊ុយក្រែន ដោយប្រើប្រាស់កាំភ្លើងធំ ប្រព័ន្ធបាញ់គ្រាប់រ៉ុកកែត និងមីស៊ីលផ្លោងជាដើម ។

ចាប់ពីពេលនោះមក លោកប្រធានាធីបតី Zelensky បានប្រកាសថា ច្បាប់អាជ្ញាសឹកត្រូវបានណែនាំនៅទូទាំងប្រទេស ខណៈការចល័តកងទ័ពក៏បានធ្វើឡើងផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Ukrinform

ចុចអាន ៖ លោក Zelensky បញ្ជាក់គោលបំណងរបស់ អ៊ុយក្រែន មុនកិច្ចប្រជុំជាមួយ រុស្ស៊ី