លោក Zelensky បញ្ជាក់គោលបំណងរបស់ អ៊ុយក្រែន មុនកិច្ចប្រជុំជាមួយ រុស្ស៊ី

លោកប្រធានាធិបតី Volodymyr Zelensky បាននិយាយថា គោលបំណងរបស់គណៈប្រតិភូអ៊ុយក្រែនក្នុងកិច្ចពិភាក្សាជាមួយរុស្ស៊ីគឺដើម្បីទទួលបានដំណើរការធានាជាក់លាក់ និងដើម្បីព្យាយាមរៀបចំកិច្ចប្រជុំជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន ។

លោក Zelensky បាននិយាយ​នៅ​ក្នុង​វីដេអូមួយថា “គោលដៅរបស់យើងគឺថានៅក្នុងការតស៊ូនេះ, នៅក្នុងការងារចរចាដ៏ស្មុគស្មាញនេះ, អ៊ុយក្រែនទទួលបានលទ្ធផលដែលត្រូវការ, ដែលជាការចាំបាច់សម្រាប់យើងដើម្បីធានាសន្តិភាព និងសន្តិសុខ ហើយនេះជាការងារ​ដែលប្រជាជនអ៊ុយក្រែនទទួលបាន​ការ​ធានា​ពិត​ប្រាកដ” ។

លោកបានបន្ថែមថា កិច្ចពិភាក្សាជាមួយរុស្ស៊ីគឺចាំបាច់ ហើយបានរួមចំណែករួចហើយក្នុងការបង្កើតច្រករបៀងមនុស្សធម៌ជាច្រើននៅអ៊ុយក្រែន ។

ជាចុងក្រោយលោក Zelensky បញ្ជាក់ថា “តំណាងគណៈប្រតិភូរបស់យើង គណៈប្រតិភូនៃប្រទេសរបស់យើងបានជជែកគ្នាតាមវីដេអូវីដេអូជារៀងរាល់ថ្ងៃ ។ គណៈប្រតិភូរបស់យើងមានភារកិច្ចច្បាស់លាស់ ធ្វើអ្វីគ្រប់យ៉ាងដើម្បីឲ្យកិច្ចប្រជុំរបស់ប្រធានាធិបតីកើតឡើង” ។

គួរបញ្ជាក់ថា រហូតមកដល់ពេលនេះសង្គ្រាមរវាងរុស្ស៊ី និងអ៊ុយក្រែនបានឈានដល់សប្ដាហ៍ទី ៣ ហើយ ខណៈប្រទេសទាំងពីរក៏នឹងរៀបចំកិច្ចចរចាជុំថ្មីមួយទៀតនៅថ្ងៃចន្ទទី១៤ ខែមីនានេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ថ្ងៃនេះ រុស្ស៊ី និង អ៊ុយក្រែន ចរចាគ្នាម្តងទៀត