Zelensky ប្រាប់ Biden កុំឲ្យដាក់ទណ្ឌកម្ម Abramovich ព្រោះហេតុផលមានប្រយោជន៍មួយ (មានវីដេអូ)

ក្នុងការហៅទូរសព្ទនាពេលថ្មីៗនេះ ប្រធានាធិបតីអ៊ុយក្រែនលោក Volodymyr Zelensky បានស្នើឲ្យប្រធានាធិបតីអាមេរិកលោក Joe Biden កុំដាក់ទណ្ឌកម្មលើមហាសេដ្ឋីរុស្ស៊ី Roman Abramovich ពីព្រោះគាត់អាចជាអន្តរការីដ៏មានប្រយោជន៍ ក្នុងកិច្ចចរចាសន្តិភាពជាមួយទីក្រុងមូស្គូ។

ជាលទ្ធផល សេតវិមានបានបញ្ចុះបញ្ចូលក្រសួងរតនាគារ មិនឲ្យបន្តផែនការវាយប្រហារលោក Abramovich ជាមួយមហាសេដ្ឋីរុស្ស៊ីផ្សេងទៀត ដែលមានទំនាក់ទំនងជាមួយលោក វ្ល៉ាឌីមៀរ ពូទីន។

ប្រភពដែលដឹងពីការហៅទូរសព្ទរវាងប្រធានាធិបតីទាំងពីរ បានប្រាប់កាសែត Wall Street Journal ថា លោក Biden បានពិគ្រោះជាមួយលោក Zelensky លើការដាក់ទណ្ឌកម្មជាច្រើន រួមទាំងផែនការសម្រាប់ម្ចាស់ក្លិបបាល់ទាត់ Chelsea វ័យ៥៥ឆ្នាំរូបនេះផងដែរ។

ទោះបីជាយ៉ាងណាក៏ដោយ សេតវិមានបានបដិសេធ ធ្វើអត្ថាធិប្បាយចំពោះរឿងនេះ។

ស្របពេលជាមួយគ្នានោះ ក្រសួងរតនាគារក៏មិនបានឆ្លើយតបទៅនឹងសំណើសុំការអត្ថាធិប្បាយដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ទោះអាមេរិកនិងអង់គ្លេសផ្តល់អាវុធ តែអ៊ុយក្រែន សុំឲ្យប្រទេសអឺរ៉ុប ២ ទៀត ជួយបន្ថែម ព្រោះខ្លួនបាញ់ជិតអស់ហើយ