ទោះអាមេរិកនិងអង់គ្លេសផ្តល់អាវុធ តែអ៊ុយក្រែន សុំឲ្យប្រទេសអឺរ៉ុប ២ ទៀត ជួយបន្ថែម ព្រោះខ្លួនបាញ់ជិតអស់ហើយ

អាវុធដែលអ៊ុយក្រែន ត្រូវការដើម្បីទប់ទល់នឹងកងកម្លាំងរុស្ស៊ី កំពុងអស់យ៉ាងឆាប់រហ័ស ហើយពេលនេះ អ៊ុយក្រែន បានអំពាវនាវឲ្យប្រទេសអឺរ៉ុប២ទៀតគឺ បារាំង និងអាល្លឺម៉ង់ បញ្ជូនអាវុធមកបន្ថែមទៀត។

តាមសេចក្តីរាយការណ៍, រដ្ឋមន្ត្រីការបរទេស Dmytro Kuleba បាននិយាយកាលពីសប្តាហ៍មុនថា យោធាមានពេលតែពីរសប្តាហ៍ទៀតប៉ុណ្ណោះ មុនពេលដែលខ្លួនប្រើប្រាស់ មីស៊ីលប្រឆាំងយន្តហោះ និងប្រឆាំងរថក្រោះ អស់។

ហើយ​លោក​បាន​និយាយ​ថា ​ស្ថានភាព​បាន​ប្រសើរ​ឡើងត្រឹម​តែ​មួយ​ផ្នែក​ប៉ុណ្ណោះ ​បន្ទាប់​ពី​ប្រទេស​លោកខាងលិចដូចជាសហរដ្ឋអាមេរិក និងអង់គ្លេស ​បាន​បញ្ជូន​អាវុធ​បន្ថែម​ក្នុង​រយៈពេល​ប៉ុន្មាន​ថ្ងៃ​ថ្មីៗ​នេះ។

លោក Paul Grod ប្រធានអង្គការមិនរកប្រាក់ចំណេញ Ukrainian World Congress បានប្រាប់កាសែត The Times ថា ប្រទេសមួយចំនួនមិនបានធ្វើតាមសន្យាយោធារបស់ពួកគេទេ។

គួរបញ្ជាក់ថា បច្ចុប្បន្ន កងទ័ពអ៊ុយក្រែន ក៏កំពុងប្រើប្រាស់អ្វីៗដែលរឹបអូសបាន ដូចជាយានជំនិះ សព្វាវុធនិងឧបករណ៍ផ្សេងទៀតផងដែរ ដើម្បីពង្រឹងការផ្គត់ផ្គង់របស់ពួកគេ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រដ្ឋមន្ត្រីការពារជាតិរុស្ស៊ីបាត់ខ្លួន ១២ថ្ងៃហើយ ខណៈមានពាក្យចចាមអារ៉ាមខុសៗគ្នា