រុស្ស៊ី នឹងមិនខ្ចីសុំ EU បញ្ចប់ការដាក់ទណ្ឌកម្មលើប្រទេសខ្លួនឡើយ

ដោយដកស្រង់សម្តីពីមន្ត្រីក្រសួងការបរទេសរុស្ស៊ី, ទីភ្នាក់ងារសារព័ត៌មាន RIA បានរាយការណ៍ថា ប្រទេសរុស្ស៊ីនឹងមិនខ្ចីស្នើសុំឲ្យសហភាពអឺរ៉ុប (EU) បញ្ចប់ការដាក់ទណ្ឌកម្មនោះទេ ។

លោក Nikolai Kobrinets ប្រធាននាយកដ្ឋានសហប្រតិបត្តិការអឺរ៉ុបប្រចាំក្រសួងការបរទេសបាននិយាយថា វិមានក្រឹមឡាំងមានសមត្ថភាពគ្រប់គ្រាន់ ហើយការបញ្ចប់ទណ្ឌកម្មនឹងមិនត្រូវបានស្នើសុំទេ ។

លោក Kobrinets បាននិយាយថា “សហភាពអឺរ៉ុបមិនមែនជាមជ្ឈមណ្ឌលដាក់ទណ្ឌកម្មរបស់សាកលលោកនោះទេ” ។

ទន្ទឹមនឹងសហរដ្ឋអាមេរិក និងចក្រភពអង់គ្លេស សហភាពអឺរ៉ុបគឺជាសម្ព័ន្ធមិត្តលោកខាងលិចដ៏សំខាន់ដែលគាំទ្រអ៊ុយក្រែនក្នុងសង្គ្រាមរបស់ខ្លួនប្រឆាំងនឹងរុស្ស៊ី ។

រហូតមកដល់ពេលនេះ អឺរ៉ុបបានដាក់វិធានការប្រឆាំងនឹងរុស្ស៊ី រួមទាំងការហាមប្រាមប្រតិបត្តិការរបស់សហភាពអឺរ៉ុប និងរដ្ឋជាសមាជិកជាមួយធនាគារកណ្តាលរុស្ស៊ី ការដាក់ទណ្ឌកម្មបុគ្គលចំនួន ៨៧៧ នាក់ និងអង្គភាពចំនួន ២៦ និងហាមឃាត់យន្តហោះរុស្ស៊ីចេញពីដែនអាកាស និងអាកាសយានដ្ឋានទាំងអស់របស់សហភាពអឺរ៉ុបជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Sky

ចុចអាន ៖ លោក ពូទីន ចេញច្បាប់ថ្មីឲ្យប្រទេសមិនមែនសម្ព័ន្ធមិត្តត្រូវតែបង់ជាលុយ រុស្ស៊ី បើទិញឧស្ម័នពីប្រទេសខ្លួន