យន្តហោះ DHL ជួបឧបទ្ទវហេតុបែកជាពីរ ពេលកំពុងចុះចត

យន្តហោះដឹកទំនិញ Boeing 757-200 របស់ក្រុមហ៊ុន DHL បានសុំធ្វើការចុះចតភ្លាមៗដោយគ្មានមូលហេតុបន្ទាប់ពីហោះហើរមិនប៉ុន្មាននាទី ហើយស្រាប់តែរអិលចេញពីផ្លូវរត់របស់ខ្លួន និងបានបាក់កន្ទុយសឹងដាច់ចេញពីតួយន្តហោះទាំងស្រុង។

ហេតុការណ៍នេះបានកើតឡើងកាលពីម៉ោង ១០ព្រឹក ថ្ងៃសុក្រ ទី៨ ខែមេសា ឆ្នាំ២០២២ នៅអាកាសយានដ្ឋានអន្តរជាតិ Juan Santamaria របស់ប្រទេសកូស្តារីកា។

រូបភាពពីកាសែតកូស្តារីកា La Nacion បានបង្ហាញយន្តហោះពណ៌លឿងមួយគ្រឿងដែលមានស្លាកសញ្ញា DHL ត្រូវបានពន្លត់ដោយពពុះពន្លត់អគ្គីភ័យ ខណៈកំពុងចុះចតនៅលើវាលស្មៅ ស្រាប់តែជួបឧបទ្ទវហេតុត្រូវដាច់កន្ទុយ​ និងបាក់ស្លាបមួយចំហៀង។

ប្រតិបត្តិករអាកាសយានដ្ឋាន Aeris បានឱ្យដឹងថា គ្រោះថ្នាក់នេះទំនងជាមានបញ្ហាផ្នែកប្រព័ន្ធអាកាសធាតុ ហើយពេលនេះវាកំពុងស្ថិតក្រោមការស៊ើបអង្កេត ខណៈពុំមានអ្នករងរបួសធ្ងន់ធ្ងរ ឬស្លាប់ស្លាប់ឡើយ មានតែនាវិកម្នាក់ប៉ុណ្ណោះដែលកំពុងទទួលការព្យាលនៅមន្ទីរពេទ្យ៕

ប្រែសម្រួ៖ សន្យា

ប្រភព៖ asiaone

ចុចអាន៖ មិនទាន់ចូលកាន់តំណែងផង ប្រធានាធិបតីកូរ៉េខាងត្បូង ធ្វើឲ្យអ្នកគាំទ្រ BTS​ ផ្ទុះកំហឹងទៅហើយ