ប្រទេសអឺរ៉ុប ២ នេះបង្ហាញគោលដៅធំៗ ពេលចូលជាសមាជិក ណាតូ

ប្រធានាធិបតីហ្វាំងឡង់លោក Sauli Niinisto បាននិយាយកាលពីថ្ងៃសៅរ៍ថា ប្រតិបត្តិការយោធាពិសេសរបស់រុស្ស៊ីនៅអ៊ុយក្រែនបានជំរុញឲ្យប្រទេសហ្វាំងឡង់ និងស៊ុយអែតចូលរួមជាមួយអង្គការណាតូ ។

លោក Sauli Niinisto បានបញ្ជាក់ថា អ្វីដែលសំខាន់នោះការចូលជាសមាជិកភាពរបស់ពួកគេនៅក្នុងប្លុកនេះនឹងធ្វើឲ្យអឺរ៉ុបខាងជើងមានស្ថិរភាព និងរឹងមាំជាងមុនផងដែរ ។

លោក Niinisto បាននិយាយនៅក្នុងបទសម្ភាសន៍ជាមួយកាសែត Ilta-Sanomat ថា “ជាការពិតណាស់ ស្ថានភាពសន្តិសុខបានផ្លាស់ប្តូរ ។ ការផ្លាស់ប្តូរទី ១ គឺ រុស្ស៊ីព្យាយាមកំណត់អធិបតេយ្យភាពនៃប្រទេសដទៃ និងបង្កើតនូវឥទ្ធិពល ។

ទី ២ គឺរុស្ស៊ីបានប្រើប្រាស់កម្លាំងយោធាយ៉ាងឃោរឃៅមិនគួរឲ្យជឿ ហើយនៅពេលដែលប្រទេសជិតខាងប្រព្រឹត្តតាមវិធីនេះ ពិតណាស់ការខាតបង់នឹងចៀសមិនរួចចំពោះរឿងនេះ ដូច្នេះប្រសិនបើហ្វាំងឡង់ និងស៊ុយអែតចូលរួមជាមួយណាតូនោះនឹងបង្កើតឲ្យមានស្ថិរភាព និងរឹងមាំនៅអឺរ៉ុបខាងជើង” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី ថា សង្គ្រាមអ៊ុយក្រែននឹងចប់ បើអាមេរិក និងណាតូ ធ្វើរឿងទាំងនេះ