Connect with us

ព័ត៌មានអន្ដរជាតិ

រុស្ស៊ី ថា បើសង្គ្រាមនុយក្លេអ៊ែរកើតឡើងមែននឹងមិនមាន “អ្នកឈ្នះ” នោះទេ

បានផុស

នៅ

ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិកបាននិយាយថា សង្គ្រាមនុយក្លេអ៊ែរមិនគួរកើតឡើងឡើយ ហើយបើវាកើតឡើងមែននោះ នឹងមិនមាន “អ្នកឈ្នះ” នោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងបទសម្ភាសន៍ជាមួយសារព័ត៌មាន Newsweek លោក Anatoly Antonov បាននិយាយថា “ការនិយាយអំពីសង្គ្រាមលុកលុយ និងការគម្រាមកំហែងរបស់រុស្សីក្នុងការប្រើប្រាស់អាវុធនុយក្លេអ៊ែរ គឺជាការបំភ្លៃដោយឥតសំចៃមាត់នៃសេចក្តីថ្លែងការណ៍របស់មន្រ្តីរុស្ស៊ីស្តីពីគោលនយោបាយនុយក្លេអ៊ែររបស់ប្រទេសរបស់យើង” ។

លោក Antonov បាននិយាយថា “ក្នុងរយៈពេលប៉ុន្មានឆ្នាំចុងក្រោយនេះ យើងបានស្នើយ៉ាងខ្ជាប់ខ្ជួនដល់អាមេរិកថានឹងមិនអាចមានអ្នកឈ្នះនៅក្នុងសង្គ្រាមនុយក្លេអ៊ែរឡើយ ដូច្នេះវាមិនគួរកើតឡើងនោះទេ” ។

លោក Antonov បានប្រាប់ Newsweek ថា គោលការណ៍របស់រុស្សីចែងថា អាវុធនុយក្លេអ៊ែរអាចត្រូវបានប្រើប្រាស់ជាការឆ្លើយតបទៅនឹងប្រទេសដែលប្រើប្រាស់អាវុធប្រល័យលោក (WMD) ប្រឆាំងនឹងរុស្ស៊ី និងសម្ព័ន្ធមិត្តរបស់ខ្លួន ឬនៅក្នុងព្រឹត្តិការណ៍នៃការឈ្លានពានប្រឆាំងនឹងប្រទេសរបស់យើង នៅពេលដែលអត្ថិភាពនៃរដ្ឋស្ថិតក្នុងគ្រោះថ្នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ រុស្ស៊ី ប្រាប់មូលហេតុមួយទៀតនៅពីក្រោយសង្គ្រាមលុកលុយលើ អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម