ព័ត៌មានអន្ដរជាតិ
បាតុកម្មទូទាំងប្រទេស ស្រីលង្កាប្រកាសដាក់ប្រទេសក្នុងគ្រាអាសន្ន
កាលពីថ្ងៃសុក្រ ទី៦ ខែឧសភា ប្រធានាធិបតីស្រីលង្កា លោក Gotabaya Rajapaksa បានប្រកាសដាក់ប្រទេសក្នុងគ្រាអាសន្នជាលើកទី២ក្នុងរយៈពេល៥សប្តាហ៍ចុងក្រោយនេះដែលផ្តល់ឲ្យកម្លាំងសន្តិសុខពង្រីកអំណាច ដោយសារមានការធ្វើបាតុកម្មទូទាំងប្រទេសយ៉ាងខ្លាំងដើម្បីទាមទារឲ្យមេដឹកនាំរដ្ឋាភិបាលចុះចេញពីអំណាច។
អ្នកនាំពាក្យរបស់ប្រធានាធិបតីបាននិយាយថា លោកប្រធានាធិបតីបានអំពាវនាវឲ្យអនុវត្តច្បាប់តឹងតែងដើម្បីធានាសណ្តាប់ធ្នាប់សាធារណៈ បន្ទាប់ពីហាង រោងចក្របិទទ្វារ ហើយសេវាដឹកជញ្ជូនសាធារណៈបានផ្អាកកាលពីថ្ងៃសុក្រដោយសារការធ្វើបាតុកម្មពីសហជីពដែលបន្ទោសលើលោកបណ្តាលឲ្យកើតមានវិបត្តិសេដ្ឋកិច្ចអាក្រក់បំផុតមិនធ្លាប់មាន។
កាលពីព្រឹកថ្ងៃសុក្រ ប៉ូលិសបានបាញ់ឧស្ម័នបង្ហូរទឹកភ្នែក និងកាណុងទឹកដើម្បីបំបែកហ្វូងមនុស្សជាពិសេសក្រុមនិស្សិតនៅជុំវិញរដ្ឋសភាដើម្បីទាមទារឲ្យលោក Rajapaksa ចុះចេញពីតំណែង។
ការដាក់ប្រទេសក្នុងគ្រាអាសន្នគឺផ្តល់អំណាចដល់កម្លាំងសន្តិសុខដើម្បីបង្ក្រាប និងទប់ស្កាត់ការតវ៉ារហូតដល់មានការចាប់ខ្លួន និងឃុំខ្លួនរយៈពេលយូរដោយគ្មានការត្រួតពិនិត្យផ្លូវច្បាប់។ គ្រាអាសន្នក៏អនុញ្ញាតឲ្យដាក់ពង្រាយកម្លាំងប្រដាប់អាវុធដើម្បីអនុវត្តច្បាប់ និងបញ្ជាឲ្យបន្ថែមកម្លាំងប៉ូលិស។
អ្នកនាំពាក្យបាននិយាយថា ៖«លោកប្រធានាធិបតីបានប្រើអំណាចប្រតិបត្តិរបស់លោកក្នុងការអំពាវនាវច្បាប់គ្រាអាសន្នដើម្បីធានាការថែរក្សាសេវាកម្មសំខាន់ៗ និងសណ្តាប់ធ្នាប់សាធារណៈ»។ លោកបាននិយាយថា ច្បាប់គ្រាអាសន្នមានប្រសិទ្ធភាពពាក់កណ្តាលយប់ថ្ងៃសុក្រ។
លោក Rajapaksa ដែលត្រូវជាប្អូនប្រុសបង្កើតរបស់នាយករដ្ឋមន្ត្រីស្រីលង្កាបានប្រកាសដាក់ប្រទេសក្នុងគ្រាអាសន្នម្តងហើយកាលពីថ្ងៃទី១ ខែមេសា មួយថ្ងៃ បន្ទាប់ពីមនុស្សរាប់ម៉ឺននាក់បានធ្វើការតវ៉ាយ៉ាងខ្លាំងនៅគេហដ្ឋានផ្ទាល់ខ្លួនរបស់លោក និងបានបញ្ចប់វិញនៅថ្ងៃទី១៤ ខែមេសា៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល