ព័ត៌មានអន្ដរជាតិ
រដ្ឋមន្ត្រីការពារជាតិអាមេរិក-រុស្ស៊ី និយាយគ្នាជាលើកដំបូង ចាប់តាំងក្រុង មូស្គូ លុកលុយអ៊ុយក្រែន
រដ្ឋមន្ត្រីការពារជាតិអាមេរិក លោក Lloyd Austin បានអំពាវនាវឲ្យមានបទឈប់បាញ់ជាបន្ទាន់ក្នុងប្រទេសអ៊ុយក្រែន នៅពេលលោកនិយាយតាមទូរសព្ទជាមួយសមភាគីរុស្ស៊ី Sergei Shoigu កាលពីថ្ងៃសុក្រទី១៣ខែឧសភា ជាលើកដំបូងចាប់តាំងពីការលុកលុយរបស់រុស្ស៊ីលើប្រទេសអ៊ុយក្រែន។
ចាប់តាំងពីការលុកលុយចាប់ផ្តើមកាលពីជិតបីខែមុន លោក Austin បានព្យាយាមជាច្រើនលើកច្រើនសា ដើម្បីពិភាក្សាជាមួយលោក Shoigu ប៉ុន្តែទីក្រុងមូស្គូ ហាក់ដូចមិនអើពើ។
អ្នកនាំពាក្យមន្ទីរបញ្ចកោណ លោក John Kirby បាននិយាយនៅក្នុងសេចក្តីថ្លែងការណ៍មួយថា លោក Austin បានសង្កត់ធ្ងន់លើសារសំខាន់នៃការរក្សាខ្សែសង្វាក់ទំនាក់ទំនង។
ស្របពេលជាមួយគ្នានោះដែរ មន្ត្រីអាមេរិកម្នាក់ដែលនិយាយក្នុងលក្ខខណ្ឌមិនបញ្ចេញឈ្មោះបានឲ្យដឹងថា ការហៅទូរសព្ទដែលត្រូវបានស្នើសុំដោយលោក Austin គឺមានរយៈពេលប្រហែលមួយម៉ោង ប៉ុន្តែមិនបានដោះស្រាយបញ្ហាជាក់លាក់ណាមួយ ឬនាំឲ្យមានការផ្លាស់ប្តូរដោយផ្ទាល់ចំពោះអ្វីដែលរុស្ស៊ីកំពុងធ្វើនៅក្នុងប្រទេសអ៊ុយក្រែននោះទេ។
ដោយឡែក ទីភ្នាក់ងារសារព័ត៌មាន TASS របស់រុស្ស៊ី បានដកស្រង់សម្តីក្រសួងការពារជាតិក្រុងមូស្គូថា ការហៅទូរសព្ទនេះបានកើតឡើង តាមគំនិតផ្តួចផ្តើមរបស់ភាគីអាមេរិក។
យោងតាមសារព័ត៌មាន TASS, បញ្ហាប្រធានបទពាក់ព័ន្ធសន្តិសុខអន្តរជាតិ ត្រូវបានពិភាក្សា រួមទាំងស្ថានភាពនៅអ៊ុយក្រែនផងដែរ។
គួរបញ្ជាក់ថា ចាប់តាំងពីការលុកលុយដែលទីក្រុងមូស្គូហៅថា “ប្រតិបត្តិការយោធាពិសេស”, សហរដ្ឋអាមេរិក និងរុស្ស៊ី បានបង្កើតខ្សែទូរសព្ទបន្ទាន់មួយ ដើម្បីការពារការគណនាខុស និងការពង្រីកជម្លោះណាមួយ៕
ប្រែសម្រួល៖ Vann Vann
ប្រភព៖ Reuters
ចុចអាន៖ ផ្ញើសារទៅលោក ពូទីន! ណាតូ បញ្ជូនទាហានរាប់ម៉ឺននាក់ ធ្វើសមយុទ្ធបង្ហាញកម្លាំងទូទាំងទ្វីប អឺរ៉ុប
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត