ព័ត៌មានអន្ដរជាតិ
កូរ៉េខាងជើង រកឃើញព្រឹត្តិការណ៍ផ្ទុះឆ្លងកូវីដយ៉ាងធំសម្បើមបែបនេះ (មានវីដេអូ)
វិទ្យុ RFA បានរាយការណ៍ថា ព្យុហយាត្រាយោធាដ៏ធំនៅក្នុងប្រទេសកូរ៉េខាងជើងកាលពីខែមុនត្រូវបានគេកំណត់ថាជាព្រឹត្តិការណ៍រីករាលដាលនៃករណីឆ្លងកូវីដដ៏ធំសម្បើម បន្ទាប់ពីទាហានមួយចំនួនដែលបានចូលរួមក្នុងព្រឹត្តិការណ៍នោះ បានធ្វើតេស្តវិជ្ជមានវីរុសនេះ ។
ចំណែកយោងតាមប្រព័ន្ធផ្សព្វផ្សាយមិនស្វែងរកប្រាក់ចំណេញដែលផ្តល់មូលនិធិដោយសហរដ្ឋអាមេរិកបានឲ្យដឹងថា ឆ្មាំជាច្រើននាក់ដែលឈរជើងនៅក្នុងទីក្រុង Sinuiju ដែលមានព្រំប្រទល់ជាប់ប្រទេសចិនបានចាប់ផ្តើមបង្ហាញរោគសញ្ញាកូវីដនៅដើមខែនេះ ។
មន្ត្រីសន្តិសុខព្រំដែនដែលមិនបញ្ចេញឈ្មោះម្នាក់បានប្រាប់ភ្នាក់ងារផ្សព្វផ្សាយនោះថា “ទាហានទាំងនោះមានអាការគ្រុនក្តៅខ្លាំង និងរោគសញ្ញាផ្លូវដង្ហើមស្រួចស្រាវ ហើយបន្ទាប់ពីការធ្វើតេស្តដោយអាជ្ញាធរសុខាភិបាលបានបញ្ជាក់ថា ពួកគេបានឆ្លងវីរុសបំប្លែងខ្លួនអូមីក្រុង” ។
មន្ត្រីរូបនោះបញ្ជាក់ទៀតថា “ភាគច្រើនអ្នកធ្វើតេស្តវិជ្ជមានគឺជាមន្ត្រី និងទាហានដែលបានចូលរួមក្នុងក្បួនដង្ហែរយោធាដែលធ្វើឡើងកាលពីថ្ងៃទី ២៥ ខែមេសា ជាការប្រារព្ធខួបលើកទី ៩០ នៃការបង្កើតកងទ័ព និងជាកន្លែងដែលប្រទេសនេះប្រមូលផ្តុំទាហានជាង ២០,០០០ នាក់ ក៏ដូចជាដាក់តាំងបង្ហាញអាវុធជាដើម ។
ទន្ទឹមនោះរូបថតដែលចេញផ្សាយដោយប្រព័ន្ធផ្សព្វផ្សាយរដ្ឋក៏បានបង្ហាញដែរថា ហ្វូងមនុស្សយ៉ាងច្រើននៅឯទីលានលោក គីម អ៊ីលស៊ុង ក្នុងទីក្រុងព្យុងយ៉ាងសុទ្ធតែមិនពាក់ម៉ាស និងការរក្សាគម្លាតសង្គមឡើយ ។
ប៉ុន្តែនៅពេលនោះ ប្រទេសកូរ៉េខាងជើងនៅតែមិនទាន់រាយការណ៍អំពីករណីឆ្លងកូវីដសូម្បីតែមួយករណី ទើបតែនៅថ្ងៃទី ១២ ខែឧសភា កូរ៉េខាងជើងបានរាយការណ៍ពីករណីឆ្លងកូវីដលើកដំបូងរបស់ខ្លួន ហើយរហូតមកដល់ពេលនេះកំពុងជួបប្រទះការផ្ទុះឡើងនៃជំងឺ “គ្រុនក្តៅ” ចំនួន ១.២ លានករណី ខណៈយ៉ាងហោចណាស់មនុស្ស ៥០ នាក់បានស្លាប់ និងជាងកន្លះលាននាក់កំពុងទទួលការព្យាបាល ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Business Insider
ចុចអាន ៖ គីម ជុងអ៊ុន បញ្ជាឲ្យអ្នកកើតកូវីដ ខ្ពុរមាត់ជាមួយទឹកអំបិល ដើម្បីព្យាបាល
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ