ព័ត៌មានអន្ដរជាតិ
ចាប់ពីស្អែកទៅ ប្រទេសស្រីលង្កា លែងមានប្រេងឥន្ធនៈប្រើប្រាស់ហើយ
ចាប់ពីថ្ងៃស្អែកទៅ ប្រទេសស្រីលង្កា លែងមានប្រេងឥន្ធនៈប្រើប្រាស់ហើយ។ នេះបើតាមការអះអាងពីនាយករដ្ឋមន្ត្រីថ្មី ខណៈប្រទេសប្រឈមនឹងវិបត្តិសេដ្ឋកិច្ចអាក្រក់បំផុត ក្នុងរយៈពេលជាង៧០ឆ្នាំ។
នៅក្នុងសុន្ទរកថាតាមទូរទស្សន៍ លោក Ranil Wickremesinghe បាននិយាយថា ប្រទេសជាតិត្រូវការរូបិយប័ណ្ណបរទេសចំនួន៧៥លានដុល្លារជាបន្ទាន់ ក្នុងរយៈពេលពីរបីថ្ងៃខាងមុខដើម្បីទូទាត់សម្រាប់ការនាំចូលសំខាន់ៗ។
លោកនិយាយថា ធនាគារកណ្តាលនឹងត្រូវបោះពុម្ពប្រាក់ ដើម្បីទូទាត់ប្រាក់ខែរបស់រដ្ឋាភិបាល។ លោកក៏បាននិយាយដែរថា ក្រុមហ៊ុនអាកាសចរណ៍ស្រីលង្ការបស់រដ្ឋ អាចនឹងត្រូវលក់ទៅឲ្យឯកជនវិញ។
សេដ្ឋកិច្ចរបស់ប្រទេសកោះមួយនេះ បានរងផលប៉ះពាល់យ៉ាងខ្លាំងដោយសារជំងឺរាតត្បាត ការកើនឡើងតម្លៃថាមពល និងការកាត់បន្ថយពន្ធប្រជាជន។
កង្វះខាតរូបិយប័ណ្ណបរទេសរ៉ាំរ៉ៃ និងអតិផរណាកើនឡើង បាននាំឲ្យមានការខ្វះខាតយ៉ាងធ្ងន់ធ្ងរនៃឱសថ ប្រេងឥន្ធនៈ និងសម្ភារសំខាន់ៗផ្សេងទៀត។
នៅរដ្ឋធានីកូឡុំបូ, ម៉ូតូកង់៣ ដែលជាមធ្យោបាយដឹកជញ្ជូនដ៏ពេញនិយមបំផុតនៅក្នុងទីក្រុង និងយានជំនិះផ្សេងទៀត បានតម្រង់ជួរនៅស្ថានីយប្រេងឥន្ធនៈ។
លោក Wickremesinghe ដែលត្រូវបានតែងតាំងជានាយករដ្ឋមន្ត្រីកាលពីថ្ងៃព្រហស្បតិ៍សប្តាហ៍មុន បាននិយាយថា “នៅពេលនេះ យើងមានស្តុកប្រេងឥន្ធនៈសម្រាប់មួយថ្ងៃប៉ុណ្ណោះ។ ពីរបីខែខាងមុខ នឹងក្លាយជាការលំបាកបំផុតនៃជីវិតរបស់យើង”។
ទោះបីជាយ៉ាងណាក៏ដោយ លោកបានគូសបញ្ជាក់ថា ការនាំចេញប្រេងសាំង និងម៉ាស៊ូតដោយប្រើខ្សែឥណទានជាមួយប្រទេសឥណ្ឌា អាចផ្តល់ការផ្គត់ផ្គង់ប្រេងនៅប៉ុន្មានថ្ងៃខាងមុខ។
លោក Wickremesinghe បញ្ជាក់ថា ធនាគារកណ្តាលរបស់ប្រទេស នឹងត្រូវបោះពុម្ពប្រាក់ដើម្បីជួយបំពេញវិក័យប័ត្រប្រាក់ខែរបស់រដ្ឋាភិបាល និងការប្តេជ្ញាចិត្តផ្សេងទៀត៕
ប្រែសម្រួល៖ Vann Vann
ប្រភព៖ BBC
ចុចអាន៖ អតីតនាយករដ្ឋមន្ត្រីស្រីលង្កា ភៀសខ្លួនទៅមូលដ្ឋានទ័ពជើងទឹក ខណៈអ្នកនយោបាយ រត់ចេញពីប្រទេស
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង