មន្ត្រីអឺរ៉ុបទម្លាយតម្លៃវ៉ា់ក់សាំងកូវីដនៅអឺរ៉ុបតែលុបចោលវិញដោយសារបញ្ហាមួយ

គណៈកម្មការអឺរ៉ុបបានបដិសេធមិនធ្វើអត្ថាធិប្បាយដោយផ្ទាល់កាលពីថ្ងៃសុក្រ ទី១៨ ខែធ្នូ ស្តីពីការលេចធ្លាយថាតើខ្លួនត្រូវចំណាយប៉ុន្មានសម្រាប់វ៉ាក់សាំងកូវីដ ១៩ ដោយសង្កត់ធ្ងន់លើប្រការរក្សាការសម្ងាត់ជាមួយក្រុមហ៊ុនដែលពាក់ព័ន្ធ ។

អ្នកនាំពាក្យរបស់នាយកប្រតិបត្តិនៃសហភាពអ៊ឺរ៉ុបត្រូវបានសាកសួរអំពីព័ត៌មានដែលត្រូវបានបង្ហាញកាលពីថ្ងៃព្រហស្បតិ៍នៅក្នុងសារ Twitter បន្ទាប់ពីរដ្ឋមន្រ្តីវ័យក្មេងមួយរូបក្នុងជួររដ្ឋាភិបាលបែលហ្ស៊ិកបានផ្តល់នូវការចំណាយលើវ៉ាក់សាំងចំនួន ៦ នៅក្នុងតំណែងរបស់គណៈកម្មការនេះ ។

ក្រោយមកសារ Twitter ត្រូវបានលុបចោលភ្លាមៗ ប៉ុន្តែត្រូវបានគេថតទុកយ៉ាងលឿនក្នុងការបង្ហោះនៅលើបណ្តាញសង្គមមួយនេះ ។

ព័ត៌មានដែលបង្ហោះលើ Twitter នោះបានបង្ហាញពីតម្លៃសម្រាប់វ៉ាក់សាំងចំនួន ៦ ក្នុងចំណោមវ៉ាក់សាំងចំនួន ៧ ដែលគណៈកម្មការបានទិញ ។

នេះគឺជាព័ត៌មានលើបណ្ដាញ Twitter ដែលបានលេចធ្លាយតម្លៃវ៉ាក់សាំងក្នុងមួយដូសសម្រាប់ក្រុមហ៊ុនផលិតវ៉ាក់សាំងនីមួយៗតាមកិច្ចសន្យា ៖

១. ក្រុមហ៊ុនអង់គ្លេស AstraZeneca តម្លៃ ១.៧៨ អឺរ៉ូ (២.១៨ ដុល្លារអាមេរិក)

២. ក្រុមហ៊ុនអាមេរិក Johnson & Johnson តម្លៃ ៨.៥០ ដុល្លារអាមេរិក

៣. ក្រុមហ៊ុនបារាំង Sanofi/GlaxoSmithKline តម្លៃ ៧.៥៦ អឺរ៉ូ (៩.២៦ ដុល្លារអាមេរិក)

៤. ក្រុមហ៊ុន Pfizer/BioNTech តម្លៃ ១២ អឺរ៉ូ (១៤.៧១ ដុល្លារអាមេរិក)

៥. ក្រុមហ៊ុនអាល្លឺម៉ង់ Curevac តម្លៃ ១០ អឺរ៉ូ (១២.២៦ ដុល្លារអាមេរិក)

៦. ក្រុមហ៊ុនអាមេរិក Moderna តម្លៃ ១៨ ដុល្លារអាមេរិក

ដោយឡែកកាលពីថ្ងៃព្រហស្បតិ៍គណៈកម្មការអឺរ៉ុបបានប្រកាសកិច្ចសន្យាទី ៧ ជាមួយក្រុមហ៊ុនជីវបច្ចេកវិទ្យារបស់អាមេរិក Novavax ក្នុងតម្លៃ ១០០ លានដូសដែលតម្លៃនេះមិនត្រូវបានផ្តល់ឲ្យក្រោមកិច្ចព្រមព្រៀងរក្សាការសម្ងាត់នោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ CNA