ព័ត៌មានអន្ដរជាតិ
រុស្ស៊ី ធ្វើសមយុទ្ធបាញ់អាវុធនុយក្លេអ៊ែរទ្រង់ទ្រាយធំ ព្រមានលោកខាងលិច (មានវីដេអូ)
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបើកភ្លើងខៀវ ឲ្យធ្វើសមយុទ្ធបាញ់អាវុធនុយក្លេអ៊ែរទ្រង់ទ្រាយធំ ខណៈប្រទេសនេះ នៅតែបន្តបង្ហាញសាច់ដុំយោធារបស់ខ្លួន។
វីដេអូថ្មី បានបង្ហាញពីមីស៊ីលផ្លោងលឿនជាងសំឡេង កំពុងដឹកជញ្ជូនឆ្លងកាត់ព្រៃក្នុងតំបន់ Ivanovo ប៉ុន្មានថ្ងៃបន្ទាប់ពីលោក Dmitry Rogozin ប្រធានទីភ្នាក់ងារអវកាសរុស្ស៊ី Roscosmos អះអាងថា ប្រទេសនេះមានអាវុធនុយក្លេអ៊ែរថ្មីចំនួន ៥០គ្រាប់។
មីស៊ីល Yars និង Topol M គឺជាអាវុធដ៏សាហាវបំផុតរបស់រុស្ស៊ី ដោយមីស៊ីលទែម៉ូនុយក្លេអ៊ែ Yars វាយប្រហារគោលដៅក្នុងល្បឿន ២៤១៤០គីឡូម៉ែត្រក្នុងមួយម៉ោង និងផ្ទុកក្បាលគ្រាប់ចំនួន៦។
លោក Rogozin ថែមទាំងអះអាងថា រុស្ស៊ីនឹងដាក់ពង្រាយនុយក្លេអ៊ែរដែលមិនអាចបញ្ឈប់បានប្រភេទ Satan-2 ចំនួន៥០គ្រាប់ផងដែរ។ ដោយឡែក មីស៊ីល RS-28 Sarmat ទម្ងន់ ២០៨ តោន មានសមត្ថភាពវាយប្រហារគោលដៅក្នុងល្បឿនជិត ២៥៧៤៩គីឡូម៉ែត្រក្នុងមួយម៉ោង។ ដោយផ្ទុកក្បាលគ្រាប់ចំនួន១៥ វាមានសក្ដានុពលក្នុងការកម្ទេចចក្រភពអង់គ្លេស ដោយប្រើត្រឹមតែមួយគ្រាប់ប៉ុណ្ណោះ។
ទោះបីជាយ៉ាងណាក៏ដោយ ប្រព័ន្ធផ្សព្វផ្សាយរុស្ស៊ី មិនបានបញ្ចេញព័ត៌មានលម្អិតអំពីសមយុទ្ធបាញ់នុយក្លេអ៊ែរ នេះទេ។
លោក ពូទីន បានចេញការគំរាមកំហែងផ្សេងៗ ប្រឆាំងនឹងលោកខាងលិចកាលពីសប្តាហ៍មុន នៅពេលលោកបានចាប់ផ្តើមដាក់ពង្រាយអាវុធនុយក្លេអ៊ែរ ឆ្ពោះទៅព្រំដែនជាប់ប្រទេសហ្វាំងឡង់។
ទីក្រុងមូស្គូបានបញ្ជាក់យ៉ាងច្បាស់ថា ហ្វាំងឡង់ នឹងទទួលរងនូវផលវិបាកពីការចូលរួមជាមួយអង្គការណាតូ ដោយអះអាងថា រុស្ស៊ីអាចកម្ចាត់ហ្វាំងឡង់ក្នុងរយៈពេលត្រឹម១០វិនាទីប៉ុណ្ណោះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Star
ចុចអាន៖ សភារុស្ស៊ី អនុម័តច្បាប់ លុបចោលដែនកំណត់អាយុ រើសទាហាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង