អ៊ុយក្រែន ទទួលស្គាល់ បរាជ័យដ៏ធំ (មានវីដេអូ)

លោក Alexey Arestovich ទីប្រឹក្សាសំខាន់របស់ប្រធានាធិបតីអ៊ុយក្រែន Volodymyr Zelensky បានសារភាពថា “យើងបានបាត់បង់ទីក្រុង Liman ហើយ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះដែរ អ្នកឆ្លើយឆ្លងព័ត៌មានយោធារុស្ស៊ី លោក Alexander Kots បានបង្ហោះវីដេអូនៃកងទ័ពរុស្ស៊ីស្ថិតនៅក្នុងទីក្រុងនេះ ដោយសរសេរចំណងជើងថា “ទីក្រុង Liman គឺជារបស់យើងហើយ”។ លោក Kots បន្ថែមថា កងទ័ពអ៊ុយក្រែនបានភៀសខ្លួន ទៅទិសខាងលិច និងនិរតី ដោយដកថយស្របពេលមានការបាញ់កាំភ្លើងធំដាក់។

ការវាយលុកទីក្រុង Liman មានរយៈពេលមិនដល់មួយសប្តាហ៍ផង ដោយកងកម្លាំងរុស្ស៊ីបានចូលទីក្រុងនេះនៅថ្ងៃទី ២៣ ខែឧសភាហើយមានដំណឹងក្រៅផ្លូវការនៅលើ Telegram ថា ទាហានអ៊ុយក្រែនរហូតដល់ទៅ ៥០០នាក់បានចុះចាញ់។

គិតត្រឹមថ្ងៃពុធទី២៥ខែឧសភា បីភាគបួននៃទីក្រុង Liman បានធ្លាក់ក្នុងដៃរបស់រុស្ស៊ី ខណៈកងទ័ពអ៊ុយក្រែនដែលនៅសេសសល់ បានប្រមូលផ្តុំនៅតំបន់ឧស្សាហកម្ម ចុងភាគនិរតីនៃទីក្រុង។

Liman ស្ថិតក្នុងចំណោមទីក្រុងដំបូងគេនៅក្នុងតំបន់ Donetsk ដែលត្រូវបានកាន់កាប់ដោយកងជីវពលប្រឆាំងរដ្ឋាភិបាលទីក្រុង កៀវ បន្ទាប់ពីរដ្ឋប្រហារ Maidan ឆ្នាំ ២០១៤។ កងកម្លាំង ប្រឆាំងភេរវករ របស់អ៊ុយក្រែន បានចាប់យកទីក្រុងនេះ នៅដើមខែមិថុនាឆ្នាំនោះ ហើយបានប្រើទីតាំងរបស់ពួកគេដើម្បីឡោមព័ទ្ធទីក្រុង Slavyansk ជាកន្លែងដែលកងជីវពលផ្តាច់ខ្លួន បានកាន់កាប់រយៈពេលមួយខែក្រោយនោះ។

ដំណឹងនៃការបរាជ័យរបស់អ៊ុយក្រែននៅទីក្រុង Liman បានកើតឡើង ចំពេលមានការវាយលុកកាន់តែខ្លាំងពីសំណាក់កងកម្លាំងរុស្ស៊ីចេញពីតំបន់ Popasnaya ដែលគំរាមកំហែងកាត់ផ្តាច់ទាំងស្រុង ចំពោះកងទ័ពរាប់ពាន់នាក់ដែលស្មោះត្រង់នឹងរដ្ឋាភិបាលទីក្រុង កៀវ នៅក្នុងតំបន់ Severodonetsk-Lisichansk៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី ធ្វើ សមយុទ្ធ បាញ់អាវុធ នុយក្លេអ៊ែរ ទ្រង់ទ្រាយ ធំ ព្រមាន លោក ខាង លិច