ព័ត៌មានអន្ដរជាតិ
ប្រជាជនអាមេរិក ត្រឹម ១១% ប៉ុណ្ណោះ ដែលស្តីបន្ទោសលោក ពូទីន ចំពោះ ការឡើងថ្លៃឧស្ម័ន
ការស្ទង់មតិរបស់ Rasmussen ចេញផ្សាយកាលពីថ្ងៃអង្គារទី២១ខែមិថុនា បានបង្ហាញថា មានជនជាតិអាមេរិកត្រឹមតែ ១១% ប៉ុណ្ណោះដែលជឿថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន គួរត្រូវស្តីបន្ទោសចំពោះតម្លៃឧស្ម័នហក់ឡើងខ្ពស់នៅសហរដ្ឋអាមេរិក។
ផ្ទុយទៅវិញ ប្រជាជនអាមេរិកភាគច្រើន បានដាក់ការស្តីបន្ទោសទៅលើលោកប្រធានាធិបតី ចូ បៃដិន។
ជាងពាក់កណ្តាល (៥២%) នៃអ្នកឆ្លើយតបទៅនឹងការស្ទង់មតិរបស់ Rasmussen ដែលធ្វើឡើងកាលពីសប្តាហ៍មុន គឺបានចង្អុលបង្ហាញទៅគោលនយោបាយថាមពលដ៏អន់ខ្សោយរបស់លោក បៃដិន ថាជាហេតុផល ដែលនាំឲ្យតម្លៃឧស្ម័នឈានដល់ការមិនអាចទទួលយកបាន។
ដោយឡែក អ្នកដែលមិនបន្ទោសលោកពូទីន និងលោក បៃដិន បានចង្អុលទៅក្រុមហ៊ុនប្រេង។ ជាការពិត ២៩% បាននិយាយថា ពួកគេជឿថា ក្រុមឧស្សាហកម្មទាំងឡាយ បានប្រើប្រាស់ភាពមិនច្បាស់លាស់នៃភូមិសាស្ត្រនយោបាយនាពេលបច្ចុប្បន្ន ដើម្បីបង្កើនតម្លៃឧស្ម័ន។
ដោយសារតែលោក បៃដិន ប្រហែលជាដឹងថា ការស្តីបន្ទោសលោក ពូទីន លែងក្លាយជាការចាប់អារម្មណ៍ទៀតហើយនោះ ប្រធានាធិបតីអាមេរិក បានងាកទៅស្តីបន្ទោសក្រុមហ៊ុនប្រេង និងឧស្ម័នវិញ សម្រាប់ការឡើងថ្លៃដ៏ខ្ពស់។
នាពេលថ្មីៗនេះ លោក បៃដិន បានចោទប្រកាន់ក្រុមហ៊ុនឧស្សាហកម្មថា កំពុងរកលុយបានច្រើនជាងព្រះ ហើយទទូចថា ក្រុមហ៊ុនប្រេងកំពុងមានចេតនាទប់ស្កាត់ការខួងយកប្រេង។
ទោះបីជាអាមេរិកបានហាមឃាត់ការនាំចូលប្រេងពីរុស្ស៊ីកាលពីខែមីនាក៏ដោយ ប៉ុន្តែមុននោះ រុស្ស៊ីបានផ្គត់ផ្គង់តែ ២ ភាគរយប៉ុណ្ណោះនៃប្រេងឆៅរបស់ខ្លួន ហើយសហរដ្ឋអាមេរិកជាអ្នកនាំចេញឧស្ម័នធម្មជាតិសុទ្ធ។ ហេតុនេះហើយ រុស្ស៊ី មិនមែនជាអ្នកទទួលខុសត្រូវទាំងស្រុងចំពោះការកំណត់តម្លៃដ៏ខ្ពស់នោះទេ។
បញ្ហាសំខាន់នៃពាក់កណ្តាលអាណត្តិរបស់លោក បៃដិន គឺការឡើងថ្លៃឧស្ម័ន។ អ្នកបោះឆ្នោតប្រហែល ៩២% បានយល់ឃើញថា ការកើនឡើងនៃតម្លៃឧស្ម័ន ប្រេងកម្តៅផ្ទះ និងឥន្ធនៈផ្សេងទៀត គឺជាបញ្ហាធ្ងន់ធ្ងរនៅក្នុងការស្ទង់មតិកាលពីថ្ងៃអង្គារ។
ដោយមិនមានសញ្ញានៃការងើបឡើងសេដ្ឋកិច្ច និងការបោះឆ្នោតដែលនឹងមកដល់ក្នុងខែវិច្ឆិកា គណបក្សប្រជាធិបតេយ្យទំនងជាត្រូវបានស្តីបន្ទោសចំពោះការរងទុក្ខផ្នែកសេដ្ឋកិច្ច ហើយសភាទាំងពីរអាចនឹងធ្លាក់ទៅក្រោមការគ្រប់គ្រងរបស់គណបក្សសាធារណរដ្ឋ៕
ប្រែសម្រួល៖ Vann Vann
ប្រភព៖ RT
ចុចអាន៖ កប៉ាល់បរទេសទី១ ចាកចេញពីកំពង់ផែ Mariupol តាមច្រករបៀងដែលបើកដោយយោធារុស្ស៊ី
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ១២ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន