ព័ត៌មានអន្ដរជាតិ
អតីតមេទ័ព អាមេរិក ប្រៀបធៀបសង្គ្រាម រុស្ស៊ី-អ៊ុយក្រែន ទៅនឹង “ការប្រកួតប្រដាល់ទម្ងន់ធ្ងន់”
ឧត្តមសេនីយចូលនិវត្តន៍ម្នាក់របស់អាមេរិកបានប្រៀបធៀបការប្រយុទ្ធគ្នាទៅវិញទៅមករវាងរុស្ស៊ី និងអ៊ុយក្រែនទៅនឹងការប្រកួតប្រដាល់ ខណៈដែលសង្រ្គាមនៅក្នុងប្រទេសអឺរ៉ុបខាងកើតទាំងពីរនេះជិតឈានដល់រយៈពេល ៤ ខែហើយ ។
លោកឧត្តមសេនីយទោ Mark Hertling ដែលធ្លាប់បម្រើការជាមេបញ្ជាការកងទ័ពអាមេរិកប្រចាំទ្វីបអឺរ៉ុប បានសរសេរបង្ហោះក្នុងបណ្តាញ Twitter កាលពីយប់ថ្ងៃអង្គារថា “វាជាការប្រកួតប្រដាល់ទម្ងន់ធ្ងន់ ។ ការប្រយុទ្ធគ្នាក្នុងរយៈពេលកន្លងមកមិនទាន់មានអ្នកសន្លប់ឡើយ ប៉ុន្តែវានឹងកើតមានឆាប់ៗ ព្រោះតែកម្លាំងទ័ពទាំងពីរកាន់តែអស់កម្លាំង” ។
លោក Hertling បាននិយាយថា ការប្រយុទ្ធគ្នារវាងភាគីទាំងពីរនៅក្នុងតំបន់ Donbas ភាគខាងកើតអ៊ុយក្រែនគឺដូចជា “ការវាយទៅវាយមក” ទាំងការបាញ់កាំភ្លើងធំ ការវាយលុក និងការចល័តទ័ពជួរមុខទៅកាន់ទីតាំងសំខាន់ៗ ។
លោកបញ្ជាក់ថា អ៊ុយក្រែនបានអង្វរប្រទេសលោកខាងលិចឲ្យបន្តបញ្ជូនសព្វាវុធបន្ថែមទៀត បន្ទាប់ពីរដ្ឋាភិបាលទីក្រុងកៀវទទួលស្គាល់ថាកំពុងចាញ់សមរភូមិកាំភ្លើងធំរបស់រុស្ស៊ី ហើយលោករំពឹងថាធនធានរបស់អ៊ុយក្រែននឹងកើនឡើង នៅពេលមានការព្រមព្រៀងបញ្ជូនសព្វាវុធណាមួយទៅដល់អ៊ុយក្រែន ។
គួរបញ្ជាក់ថា បច្ចុប្បន្នកងកម្លាំងរបស់លោកប្រធានាធិបតីរុស្ស៊ី វ្ល៉ាឌីមៀ ពូទីន បានបង្វែរការលុកលុយរបស់ពួកគេដោយផ្តោតលើភាគខាងកើតអ៊ុយក្រែនវិញ បន្ទាប់ពីយោធារុស្ស៊ីបរាជ័យក្នុងការដណ្តើមយកទីក្រុងកៀវក្នុងរយៈពេលប៉ុន្មានសប្តាហ៍ ក្រោយការលុកលុយកាលពីចុងខែកុម្ភៈ ៕
ប្រែសម្រួលដោយ ៖ ជីវ័ន្ត
ប្រភព ៖ Business Insider
ចុចអាន ៖ អាមេរិក ពិចារណាដកពន្ធទំនិញមួយចំនួនរបស់ ចិន ដើម្បីបន្ថយអតិផរណា (មានវីដេអូ)
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង