ព័ត៌មានអន្ដរជាតិ
អង់គ្លេសកំពុងស្វះស្វែងជាមួយបារាំង ស្វែងរកដំណោះស្រាយរឿងបិទព្រំដែន
រដ្ឋាភិបាលអង់គ្លេស និងបារាំង កំពុងធ្វើការរួមគ្នា ដើម្បីជួយស្រោចស្រង់ស្ថានការណ៍បិទព្រំដែនរវាងប្រទេសទាំងពីរឡើងវិញ ដោយសារវាជាផ្លូវពាណិជ្ជកម្មដ៏សំខាន់បំផុតទូទាំងតំបន់អឺរ៉ុប។
ត្រឹមតែប៉ុន្មានថ្ងៃប៉ុណ្ណោះ មុខចក្រភពអង់គ្លេស បញ្ចប់សមាជិកភាពរបស់ខ្លួនចាកចេញពីសហភាពអឺរ៉ុបជាផ្លូវការនោះ បណ្តាប្រទេសជាច្រើនទូទាំងពិភពលោក បានប្រកាសបិទព្រំដែនជាមួយអង់គ្លេស ក្រោមហេតុផលភ័យខ្លាចនៃការបំប្លែងខ្លួនថ្មី នៃជំងឺកូវីដ ១៩ ដែលកំពុងឆ្លងជាចង្កោមក្នុងប្រទេសនេះ លើអ្នកបើកបររថយន្តទឹកទំនិញជាច្រើនរយនាក់ នៅឯភាគខាងត្បូងចក្រភពអង់គ្លេស។
ជាមួយគ្នានេះ បារាំងក៏បានបិទព្រំដែនជាមួយប្រទេសជិតខាងរបស់ខ្លួនដូចជា ទាំងអ្នកដំណើរ និងការដឹកជញ្ជូនទំនិញ សុទ្ធតែមិនអាចចូលក្នុងទឹកដីបារាំងបាននោះឡើយ ហើយបើតាមលោក Clément Beaune រដ្ឋមន្ត្រីការបរទេសបារាំង ប្រឆាំងសហភាពអឺរ៉ុប បានប្រាប់ទូរទស្សន៍ BBC នៅថ្ងៃអង្គារ៍នេះថា រដ្ឋាភិបាលអង់គ្លេស និងបារាំង នឹងប្រាកដកិច្ចព្រមព្រៀងថ្មីមួយនៅថ្ងៃពុធស្អែកនេះ ដើម្បីចាប់ផ្តើមបើកជើងហោះហើររវាងប្រទេសទាំងពីរឡើងវិញ។
អ្វីដែលសំខាន់បំផុតរបស់អង់គ្លេសនៅពេលនេះ គឺការជាប់គាំងសេដ្ឋកិច្ច មិនទាន់ទៅណារួច ខណៈលោក Priti Patel រដ្ឋមន្ត្រីក្រសួងសន្តិសុខជាតិអង់គ្លេស បានប្រាប់ទូរទស្សន៍ Sky News ថា រដ្ឋាភិបាល បានពិភាក្សាជាមួយភាគីបារាំងអស់រយៈពេល ២៤ម៉ោង ហើយកំពុងចរចាស្វែងរកដំណោះស្រាយ ព្រោះវាជារឿងប្រយោជន៍សងខាង។
ការរកឃើញវីរុសកូរ៉ូណាប្រភេទថ្មីមួយទៀតនេះ គឺប៉ុន្មានខែប៉ុណ្ណោះ មុនអង់គ្លេសរំពឹងចាក់វ៉ាក់សាំងឲ្យរួចរាល់ទូទាំងប្រទេស នាំឲ្យពិភពលោកកាន់តែភ័យស្លន់ស្លោរជាថ្មី ជាន់ពីលើជំងឺរាតត្បាតដែលបានសម្លាប់មនុស្សជាង ១,៧លាននាក់ ក្នុងនោះជាង ៦៧០០០នាក់ ជាជនជាតិអង់គ្លេស៕
ប្រែសម្រួល៖ សុភា
ប្រភព៖ Reuters
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង