ព័ត៌មានអន្ដរជាតិ
រុស្ស៊ី អំពាវនាវឲ្យពិភពលោក ការពារច្បាប់អន្តរជាតិ
រដ្ឋមន្ត្រីការបរទេសរុស្ស៊ី លោក Sergei Lavrov នៅថ្ងៃពុធ ទី៦ ខែកក្កដា បានអំពាវនាវឲ្យភាគីនៅក្នុងពិភពលោក ខិតខំប្រឹងប្រែងដើម្បីការពារច្បាប់អន្តរជាតិ ខណៈពិភពលោកកំពុងធ្វើដំណើរក្នុងលក្ខណៈស្មុគស្មាញ។
លោក Lavrov និយាយបែបនេះ ក្នុងកិច្ចប្រជុំជាមួយសមភាគីវៀតណាម លោក Bui Thanh Son នៅទីក្រុង ហាណូយ។
ការអត្ថាធិប្បាយរបស់លោក បានកើតឡើងខណៈរុស្ស៊ី ត្រូវបានប្រទេសលោកខាងលិចចោទប្រកាន់ថា បានបំពានច្បាប់អន្តរជាតិតាមរយៈការលុកលុយអ៊ុយក្រែន។
បណ្តាមេដឹកនាំសហភាពអឺរ៉ុប បានជំរុញទីក្រុងមូស្គូ ឲ្យគោរពតាមដីការបស់តុលាការយុត្តិធម៌អន្តរជាតិ ដែលប្រាប់ឲ្យរុស្ស៊ីដកខ្លួនចេញពីអ៊ុយក្រែន។
លោក Lavrov បាននិយាយក្នុងជំនួបនោះថា “វៀតណាមគឺជាដៃគូសំខាន់របស់រុស្ស៊ី ក្នុងអាស៊ាន ហើយទំនាក់ទំនងរបស់ប្រទេសទាំងពីរគឺផ្អែកលើប្រវត្តិសាស្ត្រ និងការតស៊ូរួមគ្នាដើម្បីយុត្តិធម៌”។
គួរបញ្ជាក់ថា វៀតណាម និងរុស្ស៊ី មានទំនាក់ទំនងជិតស្និទ្ធតាំងពីសម័យសូវៀត ហើយមកទល់ពេលនេះ ទីក្រុងហាណូយមិនទាន់បានថ្កោលទោសសង្គ្រាមរបស់រុស្ស៊ីនៅអ៊ុយក្រែន ដែលទីក្រុងមូស្គូហៅថាជា “ប្រតិបត្តិការពិសេស” នៅឡើយទេ។
ដំណើរទស្សនកិច្ចរបស់លោក Lavrov ទៅកាន់ទីក្រុងហាណូយ កើតឡើងស្របពេល ប្រជាជាតិទាំងពីរ ប្រារព្ធខួបលើកទី១០ នៃភាពជាដៃគូយុទ្ធសាស្ត្រគ្រប់ជ្រុងជ្រោយ។
រដ្ឋមន្ត្រីការបរទេសរុស្ស៊ី គ្រោងនឹងធ្វើដំណើរទៅកាន់ប្រទេសឥណ្ឌូណេស៊ី ដើម្បីចូលរួមកិច្ចប្រជុំរដ្ឋមន្ត្រីការបរទេស G20 នៅសប្តាហ៍នេះ៕
ប្រែសម្រួល៖ Vann Vann
ប្រភព៖ CNA
ចុចអាន៖ ១០ ថ្ងៃចុងក្រោយ រុស្ស៊ី សម្លាប់ទាហានស៊ីឈ្នួលបរទេស ១៧០នាក់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ